औद्योगिक अनुगमनका लागि मन्त्रालयको टोलीसहित उद्योगमन्त्री भट्ट सुदूरपश्चिममा

धनगढीः उद्योग वाणिज्य तथा आपूर्तिमन्त्री लेखराज भट्ट सुदूरपश्चिमका औद्योगिक तथा वाणिज्य क्षेत्रको अवलोकन गर्न प्रदेश भ्रमणमा आएका छन् । मन्त्रालयका उच्च पदाधिकारीसहित यस क्षेत्रका मुख्य औद्योगिक योजनाहरूको अध्यनका क्रममा मन्त्रीसहितको टोली यँहा आएको हो ।

बिहिवार धनगढी पुगेका लेखराज भट्टले धनगढी विमानस्थलमा पत्रकारहरूसँग कुरा गर्दै यस क्षेत्रमा रहेका बिशेष आर्थिक क्षेत्र, औद्योगिक क्षेत्रहरूको अवलोकन गर्न मन्त्रालयको सचिवस्तरीय टोलिसहित सुदूरपश्चिम आएको बताए ।

याे पनि पढ्नुस  बजारमा कुनै वस्तुको अभाव हुँदैनः उद्योगमन्त्री भट्ट

उनले कैलालीको हरैयामा रहेको बिशेष आर्थिक क्षेत्र, कन्चनपुरको छेलामा रहेका औद्योगिक क्षेत्र, दोधारा चाँदनीमा रहेका सुख्खा बन्दरगाहलगायतका क्षेत्रको स्थलगत अध्ययन गर्न मन्त्रालयको टोली लिएर आएको बताए । ‘बिशेष गरेर हामी झलारीको छेला, दोधारा चाँदनीको सुख्खा बन्दरगाहको योजनालाई छिटो भन्दा छिटो कार्यान्वय गर्न सकिन्छ भनेर अध्ययन गर्ने छौं’, मन्त्री भट्टले भने, ‘कैलालीका हरैया आर्थिक क्षेत्र र डुडेझारी औद्योगिक क्षेत्रको पनि अध्ययन गर्ने छौं र त्यहि अध्ययनको आधारमा रिपोर्ट तयार पार्ने छौ ।’

याे पनि पढ्नुस  ‘कोरोनाविरुद्ध लड्न चिनियाँ मोडलको तयारी भइरहेको छ’

उनले गेटा–धनगढी रोडमा पनि औद्योगिक करिडोरको कामलाई अगाढी बढाइने बताए ।

कमेन्ट गर्नुहोस्