तराई–मधेस आउँदा माइतीघर आए जस्तो लाग्छः प्रचण्ड

सिरहाः नेपाल कम्युनिष्ट पार्टीका अध्यक्ष प्रचण्डले सामन्तवाद विरुद्धको विद्रोहको सम्पूर्ण तयारी आफूले तराई–मधेसबाट गरेको बताएका छन् ।

नेपाल भ्रमण वर्ष २०२० को अवसरमा सिरहाको सखुवानन्कार कट्टी गाउँपालिकामा आयोजित दोस्रो झण्डा महोत्सवलाई सम्बोधन गर्दै अध्यक्ष प्रचण्डले भने, ‘मैले सामन्तवाद विरुद्धको विद्रोहको तयारी तराई–मधेसबाट गरेको थिएँ र जनयुद्धमा पनि यहाँबाट नै सबैभन्दा बढी सहादत भएको छ । नेपालको इतिहासमा यति ठूलो वलिदान, त्याग र तपस्या अर्को कुनै आन्दोलनमा भएकै थिएन । यस अर्थमा म तपाईहरुको ऋणी छु ।’

याे पनि पढ्नुस  ओली छाडेर प्रचण्ड–नेपाल समूहमै फर्किए प्रदेश सभाका सदस्य जोशी

मधेस आउँदा आफूलाई कुनै नौलो ठाउँ गएजस्तो नलाग्ने बरु माइतीघर आए जस्तो लाग्ने गरेको उनको भनाई छ । उनले तराई–मधेस–हिमाल पहाडको एकता टुट्न नदिने जिम्मेवारी आफूले महशुस गर्ने गरेको पनि बताए ।

उनले थपे, ‘आउने दिनमा हाम्रो पार्टी आवश्यकताका आधारमा संविधानलाई परिमार्जन गर्ने र संविधानको संशोधन प्रक्रिया अगाडि बढाउने कुरामा सकारात्मक रहेको म जानकारी दिन चाहन्छु ।’

याे पनि पढ्नुस  आज पनि बस्दै नेकपा स्थायी कमिटी, प्रतिवेदनमाथि छलफल हुने

‘हाम्रो पार्टी र सरकारले तराई–मधेस विकास र समृद्धिमा जोड दिएको छ’, उनले भने, ‘तराई–मधेस बिनाको पहाड र पहाड बिनाको तराई मधेसको कल्पना गर्न सकिन्न । इतिहासदेखि नै काठमाडौं र तराई–मधेसका संस्कृति र सम्पदा अभिन्न रुपले गाँसिएका छन् ।’

उनले तराई–मधेस, पहाड, हिमाललाई जोडेर समृद्धिको यात्रा तिर देशलाई लिएर जाने र आफ्नो बाँकी जीवन यी क्षेत्रका जनताको समृद्धि, समाजवादको निर्माण र सामाजिक न्यायको निम्ति बिताउने सङ्कल्प गरिसकेको बताए ।

कमेन्ट गर्नुहोस्