नेपालले दियो चीनलाई एक लाख मास्क

काठमाडौंः नेपालले चीनलाई एक लाख थान मास्क सहयोग गरेको छ । मन्त्रिपरिषदको निर्णयअनुसार शुक्रबार परराष्ट्रमन्त्री प्रदीप ज्ञवाली र स्वास्थ्यमन्त्री भानुभक्त ढकालले चिनियाँ राजदूत होउ यान्छीलाई मास्क हस्तान्तरण गरेका हुन् ।

परराष्ट्र मन्त्रालयका अनुसार कोरोना भाइरससँग जुधिरहेको चीनलाई साथ दिन मास्क सहयोग गरिएको हो ।

याे पनि पढ्नुस  भारतलाई १० करोड डोज कोभिड-१९ को खोप दिने रुसकाे घोषणा

परराष्ट्र मन्त्रालयमा आयोजित सहयोग सामाग्री हस्तान्तरण कार्यक्रममा नेपालका लागि चिनियाँ राजदूत होउले कोरोना भाइरसको संक्रमणमा नेपाललगायत अन्तर्राष्ट्रिय समुदायबाट प्राप्त सहयोग र एकता चीनका लागि महत्वपूर्ण भएको बताइन् । उनले यसबाट चिनियाँ नागरिक र नेतृत्वलाई थप ऊर्जा मिलेको पनि बताइन् ।

याे पनि पढ्नुस  कोरोना संक्रमित भेटिएपछि नेपालगञ्जका ४ स्थान बन्द

निमोनियाको लक्षण जस्तै देखिने र सार्ससँग मिल्दोजुल्दो कोरोना भाइरसको कारण चीनमा पाँच सय ६० जनाभन्दा बढीको मृत्यु भइसकेको बताइन्छ । सरकारी तथ्यांकअनुसार २८ हजारभन्दा बढी मानिस यस भाइरसबाट संक्रमित छन् ।

कमेन्ट गर्नुहोस्