नयाँ दिल्लीः दिल्ली विधानसभा निर्वाचन २०२० का लागि मतदान सुरु भएको छ। बिहान ८ बजेदेखि सुरु भएको मतदान साँझ ६ सम्म चल्नेछ।
कुल ७० सिटका लागि ६७२ उम्मेदवार चुनावी मैदानमा छन्। दिल्लीमा करिब १.४७ करोड मतदाता मध्ये करिब ६६ लाख महिला छन्।
पछिल्लो पटक २०१५ मा विधानसभा चुनाव भएको थियो। आम आदमी पार्टीले ७० मध्ये ६७ सिट जितेको थियो। भाजपाले तीन सिट जितेको थियो।
यस पटक पनि मुख्य प्रतिस्पर्धा भाजपा र आम आदमीबीच देखिएको छ। यद्यपि कांग्रेसले दिल्लीको नतीजा आश्चर्यजनक हुने दाबी गरेको छ।
