सिन्धुपाल्चोकमा रुघाखोकीका बिरामीः कोरोनाको लक्षणसँग मिल्ने!

सिन्धुपाल्चोकः सिन्धुपाल्चोकको जुगल गाउँपालिका–३ मा कोरोनाको लक्षणसँग मिल्ने रुघा, खोकी र अत्यधिक ज्वरोले गाउँले बिरामी परेका छन् ।

कोरोनाको लक्षण मात्र भएको र शंका गर्ने आधार नरहेको स्वास्थ्य कार्यालय सिन्धुपाल्चोकका प्रमुख दुर्गादत्त चापागाईले बताए ।

जुगल गाउँपालिकाको गुम्बामा स्वास्थ्यकर्मी, औषधिहरु र माक्स खरीद गरी पठाइसकेको चापागाईले जानकारी दिए ।

याे पनि पढ्नुस  कोरोनाले नेपालमा एकैदिन बनायो नयाँ ३ रेकर्ड

कोरोना जस्तै लक्षण भएपनि यहाँका मानिसको चीनसँग आउजाउ नभएकोले कोरोना नै हो भन्ने आधार नरहेको उनको भनाई छ ।

गत विहीबारबाट यस्तो लक्षण देखिन थालेपछि बिरामी हुनेको संख्या ८४ पुगेको गाउपालिका अध्यक्ष होम नारायण श्रेष्ठले बताए ।

विरामी परेका ८४ जनाको अवस्था भने सामान्य रहेको छ ।

याे पनि पढ्नुस  काठमाडौं उपत्यकामा थप १६६ जनामा कोरोना संक्रमण

गाउँपालिकाका प्रमुख प्रशासकीय अधिकृत लोकबहादुर विकले रोग पहिचानका लागि विशेषज्ञ टोली पठाउन प्रदेश ३ सामाजिक विकास मन्त्रालय, प्रशासन र स्वास्थ्य कार्यालयमा अनुरोधसहित पत्र पठाएको जानकारी दिए ।

संक्रमण देखिएकाहरुलाई अरु व्यक्तिसँग सम्पर्कमा नआउन र छुट्टै बस्न स्वास्थ्यकर्मीले अनुरोध गरेका छन् ।

याे पनि पढ्नुस  पोर्चुगलमा एउटै फ्ल्याटमा बस्ने ८ नेपाली कोरोना संक्रमित

कमेन्ट गर्नुहोस्