प्रदेश २ को राजधानी जनकपुरधाम र प्रदेशको नाम मधेश हुन्छः मुख्यमन्त्री राउत

धनुषाः प्रदेश नम्बर २ का मुख्यमन्त्री लालबाबु राउतले प्रदेश सरकारको दुई वर्षको कार्यकाल सफल भएको बताएका दावी गरेका छन् ।

शनिबार जनकपुरमा आयोजित पत्रकार सम्मेलनमा प्रगति विवरण सार्वजनिक गर्दै मुख्यमन्त्री राउतले विभिन्न आरोह–अवरोहका बीच प्रदेश सरकारको दुई वर्षे कार्यकाल सफल रहेको दावी गरेका हुन् । त्यसक्रममा उनले २६ बुँदे कार्य प्रगति विवरण समेत सार्वजनिक गरे ।

मुख्यमन्त्री रावतले संघियतालाई असफल पार्ने तत्त्वहरु सक्रिय रहेको दावी गर्दै समयमा प्रदेश सरकारले संघीयतालाई संस्थागत गर्न तर्फ अग्रसरता लिएको बताए । उनले संघ सरकारको तर्फबाट असहयोग भइरहेको भन्दै प्रदेशका अधिकारहरु कटौती गर्ने काम भएको समेत बताए ।

पत्रकार सम्मेलनमा मुख्यमन्त्री राउतले वर्तमान सरकारको कार्यकाल ५ वर्ष नै रहने दावी गरेका छन् । उनले जनताको म्याण्डेटबाट गठन भएको प्रदेश सरकार रहेकोले यो सरकार ५ वर्ष सम्म रहने बताए ।

एक अर्को प्रसंगमा उनले प्रदेशको राजधानी जनकपुरधाम हुने सहमति भइसकेको र प्रदेशको नाम मधेश नै हुने दावी गरे ।

कमेन्ट गर्नुहोस्