हङकङको चौथो विकेट पतन, कुसललाई पहिलो सफलता

काठमाडौंः थाइल्याण्डमा जारी एसीसी इस्टर्न रिजन पुरुष टी–२० कप अन्तर्गत हङकङसँगको खेलमा नेपाली टीमका स्पिनर कुसल मल्लले नेपाललाई चौथो सफलता दिलाएका छन् । उनले नेपाललाई १४ ओभरको अन्तिम बलमा दिलाएका हुन् ।

कुसलले हारुन मोहम्मद अरशदलाई २७ रनमा आउट गर्न सफल भए । यसअघि सन्दीप लामिछानेले एक र सुशन भारीले नेपाललाई २ सफलता दिलाइसकेका छन् । टस हारेर ब्याटिङको मौका पाएको हङकङले यो समाचार तयार पार्दासम्म १४ ओभरमा ४ विकेट गुमाएर ११० रन बनाएको छ ।

याे पनि पढ्नुस  मलेसियाविरुद्ध तेस्रो बलमै नेपालको विकेट पतन!

जारी प्रतियोगितामा हङकङको यो पहिलो म्याच हो । पछिल्लो समय तुलानात्मक रुपमा नेपालभन्दा हङकङ कमजोर भएको देखिन्छ । उसका महत्वपूर्ण खेलाडी अंशुमन रथ र बाबर हयात टोलीमा छैनन् । तथापि नेपाललाई चुनौती दिनसक्ने खेलाडी हङकङसँग अझै छन् ।

किन्चित शाह, अजिज खान, निजाकत खान र हारुन अरशद हङकङ टीमका बलिया हतियार हुन् । पहिलो खेल हारेपछि अघिल्लो चरण प्रवेशको संभावना कायम राख्न नेपाल आज जित्नै पर्ने दबाबमा छ । एसिया कप छनौटमा पुग्न शीर्ष दुईमा पर्नुपर्ने भएकाले आज पनि पराजित भए नेपालको संभावना झिनो र गणितीय मात्रै बाँकी रहनेछ ।

याे पनि पढ्नुस  इस्टर्न रिजन कपः हङकङद्वारा नेपाललाई १५५ रनको लक्ष्य प्रस्तुत

हङकङविरुद्ध पनि नेपाली टीमले मलेसियासँग खेलेकै प्लेइङ ११ मा उतारेको छ । आज पनि भुवन कार्की, सन्दीप जोरा र किशोर महतोले प्लेइङ ११ मा मौका पाउन असफल भएका छन् । प्रतियोगितामा नेपाल र मलेसियासहित थाइल्यान्ड, सिंगापुर र हङकङले प्रतिस्पर्धा गर्ने छन् । राउण्ड रोबिन आधारमा चल्ने प्रतियोगिताको शीर्ष दुई टोलीले एसिया कप छनोटमा स्थान बनाउने छन् ।

याे पनि पढ्नुस  नेपालाई पाँचाै झड्का, उत्कृष्ट ब्याटिङ गरिरहेका मल्ल आउट (स्कोरबोर्ड)

हङकङविरुद्ध नेपालको प्लेइङ ११ः ज्ञानेन्द्र मल्ल, पारस खड्का, दीपेन्द्रसिंह ऐरी, आरिफ शेख, कुसल मल्ल, विनोद भण्डारी, पवन सरार्फ, सन्दीप लामिछाने, करण केसी, अविनाश बोहरा र सुशन भारी ।

बेन्चः सन्दीप जोरा, भुवन कार्की र किशोर महतो ।

कमेन्ट गर्नुहोस्