कतारमा २ हजार नेपाली क्वारेन्टाइनमा

काठमाडौंः कतारले कोभिड–१९ संक्रमणलाई थप फैलिन नदिन जोखिम क्षेत्रमा परका चार वटा कम्पनीमा कार्यरत झन्डै चार हजार कामदारलाई क्वारन्टाइनमा राखेको छ।

त्यहाँ कम्तीमा दुई हजार नेपाली कामदार छन्। कतारमा कार्यरत कामदारको मुख्य बसोबास स्थल औद्योगिक क्षेत्र सनैयामा रहेका क्याम्पलाई क्वारेन्टाइन बनाइएको हो। उनीहरूलाई बिहीबारदेखि बाहिर निस्कन दिइएको छैन । क्वारन्टाइनमा रहेका नेपालीले आफूहरूको स्वास्थ्य सुरक्षाका लागि नै क्वारन्टाइनमा राखिएको भन्दै खुसी व्यक्त गरका छन्।

याे पनि पढ्नुस  कोरोना भाइरसबाट विश्वभर ७३ नेपालीको मृत्यु, पाँच हजार संक्रमित

‘हामीलाई राखिएको ठाउँका आठवटा बिल्डिङमा फरकफरक कम्पनीमा काम गर्ने नेपाली छन्। यहाँका दुईवटा बिल्डिङमा बस्ने दुई जनालाई कोरोना संक्रमण देखिएपछि सबैलाई क्वारन्टाइनमा राखिएको हो,’ क्वारन्टाइनमा बसेका धनुषाका एक नेपालीले भने, ‘हाम्रो स्वास्थ्य जाँच गर्न हमाद अस्पतालबाट डाक्टर आए, सबै जाँच गररे गए।

याे पनि पढ्नुस  पूर्वराजा शाहले भने, ‘देशको सबै भू–भाग रक्षाका लागि आम नेपाली एक हुनुपर्छ’

रिपोर्ट आइसकेको छैन।’ क्वारेन्टाइनमा बस्नेमा कोठाभाडामा लिई बसेका नेपालीहरू पनि छन् । यसमा धेरैजसो सेल्सम्यानको काम गर्नेहरू छन्। ‘खाना हमाद अस्पतालबाटै आउँछ। कुनै समस्या छैन,’ उनले भने, ‘सुरुसुरुमा डर लागेको थियो।

अब सामान्य लाग्न थालेको छ।’ त्यही परिसरभित्र रहेका अर्घाखाँचीका एक नेपालीले सुरक्षा व्यवस्था निकै कडा रहेको बताए। ‘बाहिर गेटमा कतारी सुरक्षाकर्मीले पहरा दिइरहेका छन्। गेटबाट बाहिर निस्कन दिइएको छैन।

याे पनि पढ्नुस  मध्यपूर्वका नेपालीहरूको अवस्थाबारे छलफल

कम्पनीका मान्छेलाई पनि भित्र आउन दिइएको छैन। कम्पनीले कुनै कुराको कमी हुन दिएको छैन। यो खबर कान्तिपुर दैनिकबाट लिइएको हो ।

कमेन्ट गर्नुहोस्