कोरोनाका कारण विश्वका झण्डै आधा कामदारको रोजगारी संकटमा

अनौपचारिक क्षेत्रका कार्यरत विश्वका झण्डै १ अर्ब ६० लाख कामदारहरुको रोजगारी सङ्कटमा परेको पाइएको छ ।

यो सङ्ख्या कुल कामदारको झण्डै आधा सङ्ख्या भएको संयुक्त राष्ट्रसंघीय निकायहरुले जनाएका छन् ।

अन्तर्राष्ट्रिय श्रम संगठन (आइएलओ) को तथ्यांक अनुसार उनीहरूले अहिले नै बेरोजगारीको सङ्कट भोगिसकेका छन् ।

विश्वभरी महामारीको रुपमा कोरोना भाइरसको सङ्क्रमण फैलिएपछि अनौपचारिक क्षेत्रका मजदुरहरू मर्कामा परेका हुन् ।

याे पनि पढ्नुस  काठमाडौँका सडक रातारात कालोपत्रे हुन थाले, रातभर सुत्दैनन् कामदार

अनौपचारिक क्षेत्र अन्तर्गत पर्ने उत्पादन व्यापारलगायतका क्षेत्रमा काम गर्ने कामदारहरु ‘गम्भीर सङ्कट’मा परेको सङ्गठनले जनाएको छ । कोरोना भाइरसको सङ्क्रमण विश्वभरी फैलिएपछि सङ्गठनले विश्वभरी गरेको सर्वेक्षणको बुधबार सार्वजनिक भएको तेस्रो संस्करणमा यस्तो विवरण उल्लेख गरिएको छ ।

विश्वभरी झण्डै ३ अरब ३ करोड कामदार भएको जनाइएको छ । ती मध्ये २ अरबले औपचारिक क्षेत्रमा काम गर्ने गरेका छन् भने बाँकी अनौपचारिक क्षेत्रमा कार्यरत कामदारको रुपमा रहेका छन् ।

याे पनि पढ्नुस  अस्ट्रेलियाले थप १३ देशबाट कामदार लिने

कोरोनाका कारण सङ्कटमा परेकाहरू अधिकांश शारिरीक श्रम गर्नेहरु रहेको अध्ययनबाट देखिएको छ ।

उनीहरूले आम्दानी गुमाएकाले जीवन धान्न पनि समस्या हुने गरेको पाइएको र यसले उनीहरुलाई ठूलो घाटा भएको अध्ययन प्रतिवेदनमा उल्लेख गरिएको छ ।

कोरोना फैलिने डरले लकडाउनको घोषणा गरिएको ठाउँमा मजदुरहरुलाई बढी समस्या परेको छ । त्यसको तुलनामा लकडाउन नभएका ठाउँमा असर कम परेको छ ।

याे पनि पढ्नुस  भरतपुर महानगरको छैठौँ नगरसभा सुरू, कृषि, रोजगारी र पूर्वाधार प्राथमिकतामा

त्यसैगरी प्रभावित भएकामध्ये अफ्रिका र अमेरिकामा ८० प्रतिशत, युरोप र मध्य एसियामा ७० प्रतिशत र एसियामा २१.६ प्रतिशत कामदारहरूले मात्रै काम गरेका छन् । एजेन्सी

कमेन्ट गर्नुहोस्