कर्मचारी समायोजन उल्टाउँदै मन्त्री त्रिपाठी (सूचीसहित)

काठमाडौंः अघिल्लो संघीय मामिला तथा सामान्य प्रशासनमन्त्री लालबाबु पण्डितले गरेको कर्मचारी समायोजन अहिलेका मन्त्री हृदयस त्रिपाठीले उल्टाउन थालेका छन् ।

पहिलो चरणमा १५ कर्मचारीको समयोजन संशोधन भन्दै उल्टाइएको छ । खरिदारदेखि अधिकृतसम्मको समायोजना संशोधन गरिएको सामान्य प्रशासन मन्त्रालयका सहसचिव बसन्त अधिकारीले जानकारी दिए ।

पूर्वाधार विकास कार्यालय रुकुमका सब इन्जिनियर विश्राम पुन मगरलाई कर्णाली प्रदेश गरिएको समायोजन संशोधन गरिएको छ। यातायात व्यवस्था कार्यालय सगरमाथा सिराहाबाट प्रदेश-१ मा समायोजन गरिएका अधिकृत (छैठौं) को यमनाथ बरालको समायोजन उल्टाइएको छ।

याे पनि पढ्नुस  ६५ उपसचिवको सरुवा, को-कहाँ पुगे (सूचीसहित)

जिल्ला प्रशासन कार्यालय सुनसरीका अधिकृत कुमार न्यौपाने र प्रदेश योजना कार्यालय विराटनगरकी नायब सुब्बा उमा बन्जाराको समायोजन संशोधन भएको छ। उनीहरुलाई प्रदेश १ मा समायोजन गरिएको थियो।

हेटौंडा उपमहानगरपालिका मकवानपुरका नासु जय राम रुपाखेतीको बागमती प्रदेशमा गरिएको समायोजन सच्याइएको छ। मायादेवी गाउँपालिका, कपिलवस्तुका नासुलाई सोही गाउँपालिकामा समायोजन गरिएको थियो। त्यो पनि उल्टाइएको छ। उमाकुण्ड गाउँपालिका रामेछापका खरिदार केशरबहादुर खत्रीको समायोजन संशोधन गरिएका मन्त्रालयले जनाएको छ।

उनलाई उमाकुण्ड गाउँपालिकामा नै समायोजन गरिएको थियो । सान्नी त्रिवेणी गाउँपालिका कालिकोटका खरिदार प्रकाशकुमार केसीको बैजनाथ गाउँपालिका बाँकेमा समायोजन गरिएको थियो।

याे पनि पढ्नुस  प्रदेश र स्थानीय तहलाई असर नपर्ने गरी कानून निर्माण भएको छः मन्त्री पण्डित

केसीको समायोजन पनि सच्याइएको छ। मेचीनगर नगरपालिका, झापाका खरिदार राजेन्द्र प्याकुरेललाई सोही नगरपालिकामा समायोजन गरिएको थियो। उनको समायोजन पनि संशोधन भएको छ। मालपोत कार्यालय सक्रान्तीबजार, तेह्रथुमका खरिदार सन्दिप न्यौपानेलाई प्रदेश १ मा समायोजन गरिएको थियो। त्यो पनि उल्टाइएको छ।

क्षेत्रीय स्वास्थ्य निर्देशनालय, धनकुटा (फाजिल) पम्प मेकानिक रामप्रसाद पराजुलीको विराटनगर महानगरपालिका मोरङमा समायोजन भएको थियो। फेरी उनलाई फाजिलमा नै राखिएको छ। यातायात व्यवस्था कार्यालय ललितपुर (फाजिल) टाइपिस्ट नासु रबिन्द्र श्रेष्ठ चन्द्रागिरी नगरपालिका, काठमाडौमा समायोजन गरिएको थियो।पुन : टाइपिस्ट श्रेष्ठलाई फाजिलमा नै राखिएको छ।

याे पनि पढ्नुस  कार्यालय समयभित्र ट्रेड युनियनको गतिविधिमाथि प्रतिबन्ध लगाउने घोषणा

यातायात व्यवस्था कार्यालय, नारायणी पर्साका खरिदार प्रविण गुरागाईलाई प्रदेश १ मा गरिएको समायोजन पनि संशोधन भएको छ। तिरहुत गाउँपिलका सप्तरी सब इन्जिनियर जागेश्वर मण्डलको सोही गाउँपिलकामा भएको समायोजन पनि संशोधन भएको छ।

सहिदभुमि गाउँपालिका धनकुटाकी सहायक महिला विकास निरीक्षक चन्द्रकला पाण्डेको धनकुटा नगरपालिकामा भएको समायोजन पनि सच्याइएको छ।  आजको अन्नपूर्ण पोष्टमा समाचार छ ।

कमेन्ट गर्नुहोस्