महानगर प्रमुख दाहालको अपिलः कोरोना महामारीबाट बच्न उच्च सतर्कता अपनाउ

चितवनः भरतपुर महानगर प्रमुख रेनु दाहालले कोरोना महामारीबाट बच्न उच्च सतर्कता अपनाउन आग्रह गरेकी छिन् । महानगर प्रमुख दाहालले आज एक अपिल जारी गर्दै भरतपुर महानगरवासीलाई धैर्यता देखाउँदै घरभित्रमात्रै बस्न आग्रह गरेकी हुन् ।

‘हाल भारतबाट आउने मानिसको संख्या दिन प्रति दिनबढि रहेको छ र संक्रमितको संख्या पनि ह्वात्तै बढेको छ । यस सन्दर्भमा यसको रोकथामको लागि सचेतना, रोकथामका उपायको अवलम्वन र प्रभावकारी उपचारका विधिहरु अपनाउनु जरुरी देखिन्छ’ महानगर प्रमुख दाहालद्वारा जारी गरिएको अपिलमा भनिएको छ, भरतपुर महानगरपालिकामा पनि संक्रमित व्यक्तिहरु देखिन थालेको अवस्था छ । आज मात्रै भारतबाट आएका भरतपुर महानगरपालिका वडा नम्बर ६ मा २ जना व्यक्तिमा संक्रमण पुष्टि भएको छ । यस अवस्थामा सम्पूर्ण नगरवासी दाजुभाई तथा दिदी बहिनीहरुमा धैर्यता देखाउँदै आ–आफ्नो घर भित्र बसिदिनुहुन हार्दिक अनुरोध गर्दछु ।’

याे पनि पढ्नुस  कोरोना कहरः मृतकको संख्या सात हजार ९६५ पुग्यो, ८१ हजार ७३४ जना उपचार पछि घर फर्के

महानगर प्रमुख दाहालद्वारा जारी गरिएको अपिलमा भनिएको छ, ‘स्थानीय प्रशासनले तोकेका पसल एवं व्यवसायहरु निश्चित समयसम्म संचालन गर्नका साथै महानगरभित्र हरेक वडामा न्यूनतम १० वेडको क्वारेन्टिन स्थापना भइसकेकोले विदेश तथा जिल्लाबवाहिरबाट आउनुभएका सम्पूर्ण महानुभावहरु वडामा स्थापना भएका क्वारेन्टिनहरुमा बसी आफू र समाजप्रतिको दायित्व पूरा गर्नुहुन हार्दिक अपिल गर्दछु ।’

याे पनि पढ्नुस  एसिया प्यासिफिकको पाँचौ सम्मेलन भरतपुरमा हुने

विश्वव्यापी महामारीका रुपमा मानव सभ्यतालाई नै चुनौती दिएको कोरोना भाइरसका कारण विश्वमा करीब ५२ लाख ७ हजारमानिस संक्रमित र करीव ३ लाख ३४ हजार भन्दा बढि मानिसको मृत्यु भइसकेको छ । करीव २१ लाख मानिस उपचार पश्चात् निको भइ घर फिर्ता भएका छन् ।

कमेन्ट गर्नुहोस्