सर्वोच्च अदालतकी पहिलो महिला न्यायाधीश शिलुको निधन

काठमाडौंः सर्वोच्च अदालतकी पहिलो महिला न्यायाधीशको सुशीला सिङ शिलुको निधन भएको छ। ललितपुरको मेडिसिटी अस्पतालमा उपचारकोक्रममा सिङको शुक्रबार निधन भएको हो।

एक सातादेखि बिरामी परेकी ८१ वर्षीय सिङको उपचारका क्रममा निधन भएको हो । नेपाल बार एशोसिएशनकी पूर्व उपाध्यक्ष उषा मल्ल पाठकले पेटमा समस्या देखिएपछि अस्पताल भर्ना गरिएको र पछि ब्रैन स्ट्रोक भएको जानकारी दिइन्।

याे पनि पढ्नुस  अदालत चैत २२ गतेसम्म बन्द हुने

उनी महिलातर्फ पहिलो न्यायाधिश, वरिष्ठ अधिवक्ता र सर्वोच्च बारको संस्थापक उपाध्यक्ष थिइन्। उनी २०५८ साल वैशाखदेखि २०६३ सालसम्म सर्वोच्चको न्यायाधीश बनेकी थिइन्। त्यसपछि उनीराष्ट्रिय मानवअधिकार आयोगको सदस्य पनि भएकी थिइन् । १९९६ साल फागुन २२ गते काठमाडौंको पकनाजोलमा उनको जन्म भएको थियो। उनका पति र २ छोरा छन्। उनले छोरीको अधिकार, महिला हक, समानता, मानव अधिकार, वैयक्तिक स्वतन्त्र्तामा स्मरणीय फैसला छन्। उनले कानुन व्यवसायका क्रममा असहाय सेवा केन्द्र स्थापना गरी पीडित महिलाको पुनर्स्थापना सहयोगमा समेत जुटेकी थिइन्।

याे पनि पढ्नुस  अख्तियार सचिवलाई १५ दिनभित्र उपस्थित हुन आदेश

सिङको शनिबार दाहसंस्कार गरिने भएको छ । सर्वोच्च अदालत बारका सचिव सुभराज आचार्यले निधनको पुष्टि गर्दै सिङ इमानदार, निर्भिक छ र न्यायप्रति निस्ठावान छवी रहेको बताए ।

कमेन्ट गर्नुहोस्