प्रधानमन्त्री ओलीले बोलाए सर्वदलीय बैठक

काठमाडौंः प्रधानमन्त्री केपी शर्मा ओलीले सर्वदलीय बैठक बोलाएका छन् । मंगलबार साँझ ५ बजे प्रधानमन्त्री निवास बालुवाटारमा बैठक बोलाइएको हो । बैठकमा संविधान संशोधन र कोरोना भाइरसको संक्रमण रोकथामबारे छलफल हुनसक्ने बताइएको छ ।

प्रधानमन्त्री ओलीका प्रेस सल्लाहकार सूर्य थापाका अनुसार संसदमा प्रतिनित्व गर्ने राजनीतिक दलहरूका प्रमुख नेताहरूलाई बैठकमा बोलाइएको छ । कुन विषयमा छलफलका लागि सर्वदलीय बैठक आह्वान गरिएको भन्ने स्पष्ट भइसकेको छैन ।

याे पनि पढ्नुस  प्रधानमन्त्रीलाई भेट्न राष्ट्रपति भण्डारी शिक्षण अस्पताल

कोरोना भाइरसको संक्रमण फैलिइरहेको अवस्था र संविधान संशोधनका बारेमा सम्भवतः सर्वदलीय बैठकमा छलफल हुनेछ । भारतले अतिक्रमण गरेका नेपाली भूमि कालापानी, लिपुलेक र लिम्पियाधुरा समेटेर नक्सा अध्यावधिक गरेपछि सोहीअनुसार निशान छाप परिमार्जन गर्नका लागि सरकारले संविधान संशोधन विधेयक संसदमा लगेको छ । उक्त विधेयकमाथि सबै दलबीच सहमति कायम गर्नका लागि संसदले सरकारलाई आग्रह गरेको थियो ।

कमेन्ट गर्नुहोस्