बूढानीलकण्ठका २ जना कोरोना जितेर फिर्ता

काठमाडौंः काठमाडौंको बूढानीलकण्ठ नगरपालिकाका २ जना व्यक्ति कोरोना जितेर घर फर्किएका छन् ।

सर्लाही, रामनगर स्थायी घर भई हाल बूढानीलकण्ठ-१२ स्थित तेञ्जिङ चोकमा बसोबास गर्ने एक १८ वर्षीया युवतीमा यही जेठ ३ गते पिसिआर रिपोर्ट पोजिटिभ देखिएपछि शुक्रराज ट्रपिकल तथा सरुवारोग अस्पताल टेकुको आइसोलेशनमा राखिएको थियो ।

याे पनि पढ्नुस  २३०० पुगे संक्रमितः तपाईंको जिल्लामा कति ? (सूचीसहित)

३/४ पटकसम्मको परीक्षणमा नेगेटिभ आएपछि ती युवतीलाई घर फर्काइएको नगरपालिकाका स्वास्थ्य शाखा प्रमुख कुमार दाहालले बताए । ती युवती १५ दिनमा घर फर्किएकी हुन् ।

यस्तै बूढानीलकण्ठ-३ स्थायी घर भएका ३७ वर्षीय पुरुषलाई जेठ १२ गते कोभिड-१९ पुष्टि भएपछि शुक्रराज ट्रपिकल तथा सरुवारोग अस्पताल टेकुको आइसोलेसनमा राखी उपचार गरिएकामा २ पटकसम्मको परीक्षणमा रिपोर्ट नेगेटिभ आएपछि ५ दिनमा घर फर्काइएको छ ।

याे पनि पढ्नुस  १४ दिनमा कोरोना नदेखिए पनि थप १ साता क्वारेन्टाइनमा बस्नुपर्ने

युवकमा कोरोना पुष्टि भएसँगै बूढानीलकण्ठ-३ स्थित बूढानीलकण्ठ मन्दिर तथा शिवपुरी राष्ट्रिय निकुञ्ज क्षेत्र आसपास सिल गरिएको थियो ।

युवक कोरोना नेगेटिभ भई घर फर्किएपछि उक्त क्षेत्र आजदेखि खुला गरिएको वडाध्यक्ष बालकृष्ण श्रेष्ठले जानकारी दिए ।

कमेन्ट गर्नुहोस्