कोरोनासँग जुध्न नेपाल सरकारलाई ३० अर्बको ऋण

काठमाडौंः एशियाली विकास बैंक (एडिबी) ले कोरोनासँग जुध्नका लागि नेपाल सरकारलाई झण्डै रु‍‍‍‍‍‍‍‍‍ ३० अर्ब बराबरको ऋण सहयोग उपलब्ध गराएको छ ।

अर्थमन्त्रालयका आज आयोजित ऋण सहयोगसम्बन्धी सम्झौतापत्रमा अर्थ मन्त्रालयका सचिव शिशिरकुमार ढुङ्गाना र बैंकका देशीय निर्देशक मुख्तोर खामुदखानोभले हस्ताक्षर गर्नुभयो । सो अवसरमा अर्थमन्त्री डा. युवराज खतिवडाको पनि उपस्थिति रहेको थियो ।

याे पनि पढ्नुस  मेलम्चीको कामले गति लियो, १४ महिनाभित्र आयोजना सम्पन्न

सो ऋण रकम सार्वजनिक स्वास्थ्य सेवाको सुदृढीकरण तथा कोभिड–१९ का कारण आर्थिक तथा सामाजिक रुपमा परेको क्षति न्यूनीकरणमा प्रयोग गरिनेछ । गरिब र विपन्न वर्गका लागि सामाजिक संरक्षण कार्यक्रम विस्तार गर्न र तीव्र आर्थिक पुनःरुत्थानमा जानसमेत उक्त रकम उपयोगी हुने बैंकले जनाएको छ ।

याे पनि पढ्नुस  गौतमबुद्ध अन्तर्राष्ट्रिय विमानस्थल बुद्ध पूर्णिमामा सञ्चालन गर्न सकिने

कोरोना कहरले सार्वजनिक स्वास्थ्यमा समस्या सिर्जना गरेको र नेपालको सामाजिक र आर्थिक विकासमा गहिरो असर गरेको छ । कोभिड–१९ एक्टिभ रेस्पोन्स एण्ड एक्स्पेन्डिचर सहायता सिएआरइएस कार्यक्रमअन्तर्गत नेपालले बैंकबाट उक्त ऋण सहायता पाएको हो । ऋण सहयोगबाट सरकारले सातवटै प्रदेशमा कम्तीमा २ लाख क्वारेन्टिन निर्माण गर्न र दैनिक ३ हजार मानिसको कोरोना परीक्षण गर्न सक्ने एडिबीले जनाएको छ ।

कमेन्ट गर्नुहोस्