स्वास्थ्य सेवा विभागका महानिर्देशक श्रेष्ठको सरुवा

काठमाडौंः स्वास्थ्य सेवा विभागका महानिर्देशक महेन्द्र श्रेष्ठको सरुवा भएको । उनलाई मन्त्रालय तानेर विभागको महानिर्देशकमा १२औँ तहका अर्का प्रमुख विशेषज्ञ डा. दीपेन्द्र रमण सिंहलाई पठाइएको छ ।

त्यसैगरी व्यवस्थापन महाशाखाका निर्देशक भोगेन्द्र डोटेललाई पनि स्वास्थ्य तथा जनसंख्या मन्त्रालयमा तानिएको छ ।

याे पनि पढ्नुस  नेपालमा झन्डै ५,००० जनालाई सङ्क्रमण हुने नयाँ प्रक्षेपण

मन्त्रालयले विभागको महानिर्देशकमा १२औँ तहका अर्का प्रमुख विशेषज्ञ डा. सिंह र व्यवस्थापन महाशाखामा हाल राष्ट्रिय एड्स तथा यौन रोग केन्द्रका निर्देशक डा.रमेश खरेललाई लगिएको छ । मन्त्रालयले परोपकार प्रसुति गृह थापाथलीका निर्देशक डा. जागेश्‍वर गौतमलाई पनि मन्त्रालय सरुवा गरेको छ । उनको ठाउँमा डा. संगीता कौशललाई लगिएको छ ।

याे पनि पढ्नुस  काठमाडौं कोरोना संक्रमणको ‘रेडजोनमा’ !

स्वास्थ्य सेवा विभागका महानिर्देशक श्रेष्ठ ओम्नी समूहलाई २० प्रतिशत महँगोमा चीनबाट स्वास्थ्य सामग्री खरिदका लागि ठेक्का दिँदा विवादमा तानिएका थिए। उनले नै पछि ओम्नीसँगको ठेक्का तोडेका थिए।

कमेन्ट गर्नुहोस्