बाग्मती प्रदेशमा कोरोना सङ्क्रमण बढ्दै

हेटौँडाः कोरोना सङ्क्रमितको सङ्ख्या बढेसँगै बाग्मती प्रदेशमा परीक्षणको दायरा बढाउन थालिएको छ ।

बाग्मती प्रदेशको सामाजिक विकास मन्त्रालयका कोभिड–१९ का प्रवक्ता डा. पुरुषोत्तमराज सेढाईंले कोरोना सङ्क्रमितको सङ्ख्या बढेसँगै परीक्षणको दायरा बढाउने काम भइरहेको बताए ।

कोरोना रोकथाम र नियन्त्रण गर्न क्वारेन्टाइन र आइसोलेसनको शय्या सङ्ख्या र गुणस्तर वृद्धि एवं अन्य व्यवस्थापन गरिएको उहाँले जानकारी दिए । उनले भने, ‘विदेशबाट आएकाहरूको स्थानीयस्तरमा आरडीटी परीक्षणसँगै आरटी–पीसीआर परीक्षण हेटौँडा, भरतपुर, धुलिखेल र काठमाडौं उपत्यकाका गरी आठवटा प्रयोगशालमा भइरहेको छ ।’

याे पनि पढ्नुस  थप २६० जनामा कोरोना संक्रमण

बाग्मती प्रदेशमा गत जेठ ९ गतेसम्ममा सात हजार ७७५ स्वाबको नमुना पीसीआर विधिबाट परीक्षण गरिएकोमा कोभिड–१९ (कोरोना भाइरस) सङ्क्रमितको सङ्ख्या २८ रहेको थियो । यस्तै आरडीटी किटबाट २१ हजार ७१२ जनाको परीक्षण गरिएकोमा ४०६ जनाको पोजेटिभ रिपोर्ट प्राप्त भएको मन्त्रालयले जनाएको छ ।

यसैगरी चार हजार ४३६ क्वारेन्टाइन शय्या सङ्ख्या रहेकोमा ३६७ जना बसेको, ९९५ आइसोलेसन शय्या रहेकोमा ४९ जना बसेको र होम क्वारेन्टाइनमा २८७ जना बसेका थिए ।

याे पनि पढ्नुस  मुख्य सचिव शंकरदास बैरागीलाई कोरोना पुष्टि

एक महिनाको अवधिमा प्रदेशका जिल्लाहरूमा सङ्क्रमित बढेर मङ्गलबारसम्ममा ३२९ सङ्ख्या पुगेको छ भने तीमध्ये निको भएर ८६ जना घर फर्किएका र २३९ जना उपचाररत छन् ।

काभ्रेपलाञ्चोक जिल्ला कोरोना मुक्त भएको छ । गत जेठ २३ गते कोरोना देखिएका पाँच जना नै गत शुक्रबार कोरोना मुक्त भएर घर फर्किएपछि काभ्रेपलाञ्चोक जिल्ला कोरोना मुक्त भएको हो ।

हिमाली जिल्ला दोलखामा भने हालसम्म कोरोना सङ्क्रमण भएको पाइएको छैन । लकडाउन सुरु भएयता एक हजार ३७७ जनाको आरडीटी र १८४ जनाको पीसीआर परीक्षण गरिएकोमा सबैको नेगेटिभ आएसँगै जिल्लामा कोरोना सङ्क्रमण नदेखिएको हो ।

याे पनि पढ्नुस  चीनमा नेपाली विद्यार्थी सुरक्षित, कोरोना भाइरसबारे ‘फेक न्युज’ले तनाब

काठमाडौंलगायतका स्थानमा परीक्षण गरेका दोलखा घर भएका तीन जनामा कोरोना सङ्क्रमण पुष्टि भएको जिल्ला स्वास्थ्य कार्यालय दोलखाका प्रमुख विभुकुमार झाले जानकारी दिए ।

बाग्मती प्रदेशको एकमात्र रसुवा जिल्लाका हालसम्म कोरोना सङ्क्रमित भेटिएका छैनन ।

कमेन्ट गर्नुहोस्