सुदूरपश्चिममा तीव्र गतिमा फैलिँदै कोरोना

धनगढीः बिहीबार एकै दिन ३ सय ३३ जना कोरोना संक्रमित थपिएपछि सुदूरपश्चिम प्रदेशमा कोरोना संक्रमितको सङ्ख्या दुई हजार ९ सय ३३ पुगेको छ ।

प्रदेशको कैलाली जिल्लामा एकै दिन १ सय ३८ जना नयाँ संक्रमित थपिएपछि यो जिल्लामा संक्रमितको सङ्ख्या ८ सय ७४ पुगेको छ ।

सामाजिक विकास मन्त्रालय, स्वास्थ्य महाशाखाका प्रमुख नरेन्द्रसिंह कार्कीले बिहीबारसम्म कञ्चनपुरमा ३५१, डोटीमा ४७३, डडेलधुरामा २३०, बाजुरामा ३३७ बैतडीमा २३६, बझाङमा १२७, अछाममा २८८ र दार्चुलामा १७ जना संक्रमित पुगेको बताए ।

राष्ट्रिय जनस्वास्थ्य प्रयोगशाला, सेती प्रादेशिक अस्पताल र वीरअस्पतालमा गरिएको नमूनाको परीक्षणमा बिहीबार एकै दिन सुदूरपश्चिम प्रदेशका ३३३ जनामा कोरोना संक्रमण भएको पुष्टि भएको हो ।

याे पनि पढ्नुस  जनताका आवश्यकता र मागलाई वेवास्था गर्नेलाई कठोर कारवाही गर्ने प्रचण्डको चेतावनी

बिहीबार बझाङबाट २०, कैलालीबाट चार, अछामबाट १६, डोटीबाट ३० गरी ७० जना डिस्चार्ज भई हालसम्म जम्मा डिस्चार्ज हुनेको सङ्ख्या ५ सय ६१ पुगेको छ ।

कोभिड–१९ का कारण सुदूरपश्चिम प्रदेशमा हालसम्म छ जनाको मृत्यु भएको छ । पछिल्ला दिनमा कोभिड–१९ को संक्रमणको दर प्रदेशमा ह्वात्तै बढ्दै गएको छ । प्रदेशमा पहिलोपटक गएको चैत १४ गते पहिलो कोरोना संक्रमित भेटिएका थिए ।

वैशाख महिना शुरु हुँदासम्म पाँच जना संक्रमित फेला परेकामा त्यस पछि झण्डै एक महिनासम्म नयाँ संक्रमणको दर स्थिर रहेको थियो तर कोरोना संक्रमित देश भारतबाट फर्किने नेपाली बढ्दै जाँदा प्रदेशमा संक्रमणको दर बढ्दै गएको स्वास्थ्यकर्मीको भनाइ छ ।

याे पनि पढ्नुस  ६ जना संक्रमित निको भएर आज घर जाँदै

हालसम्म पिसिआर पद्धतिबाट २० हजार ९९६ को स्वाबको नमूना जाँच भइसकेकोमा तीन हजार ६७९ नमूनाको नतिजा आउन बाँकी छ । यस्तै आरडिटी पद्धतिबाट हालसम्म एक लाख १३ हजार ८९३ नमूनाको जाँच भइसकेको छ । बन्दबन्दी खुकुलो पारिएसँगै सर्वसाधारणको चहलपहल पनि बढ्दै जाँदा रोगको जोखिम पनि बढ्ने देखिएको कतिपयको बुझाइ छ ।

संक्रमित देश भारतबाट फर्किएर क्वारेन्टिनमा बसेका नेपालीको बसाईसमेत व्यवस्थित र तोकिएको मापदण्डअनुसार हुन नसक्दा पनि संक्रमणको जोखिम थपिएको हो । क्षेत्रीय स्वास्थ्य निर्देशनालयका निर्देशक डा गुणराज अवस्थी भारतबाट आउने क्रम जारी रहँदासम्म प्रदेशमा कोरोना संक्रमणदर पनि बढ्दै जाने बताए ।

याे पनि पढ्नुस  प्रहरीले घुँडाले घाँटी थिचेका जर्ज फ्लोयडमा कोरोना थियो

धनगढी उपमहानगरपालिकाले पिसिआर पद्धतिबाट नमूना जाँच गर्नका लागि बिहीबारबाट शङ्कास्पद व्यक्तिको स्वाब सङ्कलन गर्न थालेको छ । बेली गाउँस्थित नगर स्वास्थ्य प्रवद्र्धन केन्द्रमार्फत स्वाब सङ्कलन शुरु गरिएको उपमहानगरपालिका प्रमुख नृपबहादुर वडले बताए ।

उपमहानगरपालिकाले विभिन्न वडाका क्वारेन्टाइनमा बसेका शङ्कास्पद व्यक्तिको कोरोना जाँच गरेर कोरोना पोजेटिभ देखिएकालाई उपमहानगरपालिकाले बनाएको आइसोलेसनमा राख्न थालेको छ । रासस

कमेन्ट गर्नुहोस्