बालुवाटर बोलाएर प्रधानमन्त्री ओलीले गरे मन्त्रीलाई यस्तो आग्रह

काठमाडौं : प्रधानमन्त्री केपी शर्मा ओलीले मन्त्री र राज्यमन्त्रीहरूसँग वालुवाटारमा छलफल गरेका छन् ।

आज साँझ ७ः१५ बजेबाट प्रधानमन्त्री ओलीले बालुवाटारमा मन्त्रीहरूसँग छलफल गरेका हुन् ।

मन्त्रीहरूसँगको छलफलअघि प्रधानमन्त्रीले राष्ट्रपतिसँग पनि भेट गरेका थिए । पार्टीभित्र संकट गहिरिँदै जाँदा प्रधानमन्त्री राष्ट्रपतिलाई भेटेर मन्त्री र राज्यमन्त्रीसँग छलफलमा जुट्नुलाई अर्थपूर्ण रुपमा हेरिएको छ ।

याे पनि पढ्नुस  नेकपामा विवाद: ओली–प्रचण्डबीच यी विषयमा हुँदैछ सहमति

बैठकमा सहभागी एक मन्त्रीका अनुसार प्रधानमन्त्री ओलीले पार्टीमा देखिएको पछिल्लो विवादबारे ब्रिफिङ गरेका थिए ।

‘प्रधानमन्त्रीज्यूले एकता गम्भीर मोडमा पुगेको कुरा राख्नुभयो । आफू जहिले पनि पार्टी एकताको पक्षमा रहेको कुरा दोहोराउँदै अहिले आफूलाई घेराबन्दीमा पारेको जिकिर गर्नुभयो,’ ती मन्त्रीले भने ।

याे पनि पढ्नुस  बालुवाटारमा प्रधानमन्‍त्री ओलीलाई बुवाको स्वागत

प्रधानमन्त्रीले अब जे पनि हुनसक्ने संकेत गर्दै सबैलाई जो जताको पक्षमा हुनुहुन्छ त्यता नै रहन सुझाव दिएको ती मन्त्रीले बताए ।

कमेन्ट गर्नुहोस्