युथ भोलेन्टियर फर चेञ्जको आयोजनामा रक्तदान कार्यक्रम

कास्की : पोखरामा रगतको अभाव देखिएपछि युथ भोलेन्टियर फर चेञ्जको आयोजनामा गरिएको आकस्मिक रक्तदान कार्यक्रम सम्पन्न भएको छ ।

आज भएको रक्तदान कार्यक्रममा ४१ युनिट रगत संकलन भएको कार्यक्रम संयोजक सन्तोष पोख्रेलले बताए ।

पोखरा महानगरपालिका-८ को वडा कार्यालयको प्रांगणमा सम्पन्न कार्यक्रमा बोल्दै राष्ट्रिय युवा परिषदका सदस्य दीलिप न्यौपानेले युवाहरु सकारात्मक चेतनाका साथ अगाडि बढ्नुपर्नेमा जोड दिए । त्यसैगरी क्षेत्रिय रक्तसञ्चार केन्द्रका प्रमुख अर्जुन ज्ञवालीले रगतको संकट व्यवस्थापनका लागि रक्तदानका थप कार्यक्रम आवश्यक रहेको बताए ।

याे पनि पढ्नुस  पूर्व युवराज पारस चढेको गाडी गोरुसँग ठोक्कियो

कार्यक्रमको उद्घाटन गर्दै प्रमुख अतिथि न्यौपानेले प्रथम रक्तदाता नविन लामिछानेलाई ब्लड ब्याग हस्तान्तरण गर्दै कार्यक्रम शुरु गरे ।

कार्यक्रम संस्थाका अध्यक्ष सुवास मल्लको अध्यक्षता तथा सदस्यहरु अञ्जली लम्साल र विजय पौडेलको सञ्चालनमा सम्पन्न भएको थियो ।

कमेन्ट गर्नुहोस्