समस्यासँग जुधेर अगाडि बढ्न नवनियुक्त आइजिपी क्षेत्रीको निर्देशन

काठमाडौं : प्रहरी महानिरीक्षक शैलेश थापा क्षेत्रीले व्यक्तिगत स्वार्थलाई त्यागेर सङ्गठनले अख्तियार गरेको नीति तथा कार्ययोजना कार्यान्वयनमा सक्रियता हुन मातहतका प्रहरी कर्मचारीलाई निर्देशन दिएका छन् ।

प्रहरी प्रधान कार्यालयमा आज आयोजित विशेष समारोहमा उनले समस्याबाट भागेर होइन समस्यासँग जुधेर अगाडि बढ्न प्रहरी अधिकृत तथा जवानहरूलाई निर्देशन दिए ।

याे पनि पढ्नुस  प्रहरीलाई आइजीपी क्षेत्रीको निर्देशन : कानुन कार्यान्वयनमा नचुक्नुहोस्

प्रहरी महानिरीक्षक क्षेत्रीले वर्तमान अवस्थामा नेपाल प्रहरीसामु रहेका विविध चुनौती समाधानका लागि सबै प्रहरी कर्मचारीहरूलाई पूर्ण सहयोगीको रुपमा प्रस्तुत हुन आग्रह गरे ।

आउँदा दिनमा कुनै पनि प्रहरी कर्मचारीको कार्य सम्पादन मूल्याङ्कन ऐन कानूनमा निर्दिष्ट एवं वरिष्ठता तथा तथ्याङ्कको आधारमा हुने उल्लेख गर्दै उनले सबै प्रहरी कर्मचारीले आफ्नो उच्च व्यावसायिकता प्रदर्शन गर्नुपर्ने बताए ।

याे पनि पढ्नुस  प्रधानसेनापति थापाद्वारा प्रहरी महानिरीक्षक क्षेत्रीलाई बधाइ

उनले प्रहरी, प्रहरी जस्तै हुनुपर्छ तर विनम्र पनि हुनुपर्नेमा जोड दिँदै आफ्नो व्यवहारलाई सुधार गर्दै सङ्गठनको सुधारका लागि ऐन, नियमको परिधिमा रहेर सबै प्रहरी कर्मचारीहरू ऐक्यबद्ध भई अगाडि बढ्नुपर्ने आवश्यकता औँल्याए ।

प्रहरी कर्मचारीहरूको वृत्ति विकास एवम् कल्याणकारी योजनाहरु बारेमा सङ्गठन सदैव क्रियाशील रहेको उल्लेख गर्दै उनले सङ्गठनले लिएको उद्देश्य पूरा गर्न प्रत्येक प्रहरी कर्मचारीहरु मानसिक एवं शारीरिक रुपमा स्वस्थ हुनुपर्नेमा जोड दिए ।

याे पनि पढ्नुस  प्रधानसेनापति थापाद्वारा प्रहरी महानिरीक्षक क्षेत्रीलाई बधाइ

प्रहरी महानिरीक्षक क्षेत्रीले व्यावसायिक रुपमा व्यस्त भए पनि आफ्नो परिवारलाई समय दिन सकेमा प्रहरी कर्मचारी मानसिकरूपमा स्वास्थ्य हुनसक्ने विचार व्यक्त गरे ।

कमेन्ट गर्नुहोस्