महानगर प्रमुख दाहालद्वारा नगरबासीमा आग्रह : नदीमा पानीको बहाव बढेको छ, सुरक्षित रहनुहोला

भरतपुर : भरतपुर महानगरपालिका प्रमुख रेनु दाहालले नारायणी र राप्ती नदीमा पानीको बहाव बढ्दै जाँदा नदी तटीय क्षेत्रमा डुबान तथा कटान बढ्ने भएकाले सतर्क हुन आग्रह गरेकी छन् ।

दाहालले नदी तटीय क्षेत्रका बासिन्दा तथा सम्पूर्ण महानगरवासीलाई उच्च सतर्कता अपनाउन आग्रह गरेकी हुन् ।

नदीजन्य सम्भावित जोखिमको निगरानी राख्न महानगर प्रमुख दाहालले महानगरपालिकाको विपद् व्यवस्थापन शाखा, प्रभावित क्षेत्रका जनप्रतिनिधिहरू तथा वडा कार्यालयहरु, नगर प्रहरी तथा जिल्ला स्थित सुरक्षा निकाय, रेडक्रसका साथै मानवीय सहयोगी संघसंस्था तथा निकायहरुलाई उद्धार र व्यवस्थापनका लागि तयारी अवस्थामा रहन समेत आग्रह गरेकी छन् ।

याे पनि पढ्नुस  कोरोना विशेष अस्पतालको खर्च एक महिनामा सवा करोड रुपैयाँ

बिहीबारदेखिको निरन्तर वर्षाको यस अवस्थामा उनले महानगरवासीलाई अनावश्यक काममा घर बाहिर ननिस्किन, जोखिम क्षेत्रका मानिस सुरक्षित स्थानमा जानसमेत अनुरोध गरेकी छन् ।

मेयर दाहालले वृद्धवृद्धा, असक्त, बालबालिका तथा महिलाको उचित हेरचाह र विशेष ख्याल गर्न समेत महानगरवासीलाई आग्रह गरेकी छन् । उनले सम्पूर्ण महानगरवासीलाई उच्च सतर्कता अपनाइ बाढी, पहिरो, डुबान तथा नदी कटान लगायतका सूचना पाएमा तत्काल सम्बन्धीत वडा कार्यालय तथा नजिकैको सुरक्षा निकायलाई जानकारी दिन अनुरोध गरेकी छन् ।

याे पनि पढ्नुस  भरतपुर महानगरपालिकाको पाँचौं नगर परिषद् सम्पन्न

निरन्तरको वर्षासँगै नारायणी र राप्ती नदीमा पानीको वहाव बढ्दै गइरहेको छ ।
देवघाटमा रहेको जल मापन केन्द्रले अहिले नारायणी नदीको देवघाटमा ७.१८ मिटर र नारायणगढ पुलमा १०.७१ मिटर पानी रहेको जनाएको छ ।

भरतपुर महानगरपालिकाको १, ३, ४, १६, १७, १८, २२ र २४ देखि २८ सम्मका वडाहरु डुबान र नदी कटानको उच्च जोखिममा रहेका क्षेत्र हुन् । त्यस्तै वडा नम्बर २९ का अधिकांश भागहरु पहिरोको जोखिममा रहेका छन् ।

याे पनि पढ्नुस  धावन मार्ग विस्तारपछि चितवनमा रात्रीकालिन उडान सुरु हुन्छ : मन्त्री भट्टराई

यसैबीच, महानगरपालिका-२७ र २८ को सिमानामा पर्ने निउरे चोकमा शुक्रबार बिहान एउटा स्पार्क बगाएको छ ।

सो स्थानमा नदीको कटान रोकथाम र नियन्त्रणका लागि भरतपुर महानगरपालिका, नदी नियन्त्रण कार्यालय तथा सुरक्षा निकायहरुको संयुक्त टोलीले काम गरिरहेको छ ।

कमेन्ट गर्नुहोस्