काठमाडौं उपत्यकाका ३४७ संक्रमित कहाँ–कहाँ छन् ?

काठमाडौंः काठमाडौं उपत्यकामा संक्रमितको संख्या ३४७ पुगेको छ । जसमध्ये काठमाडौंका २३२, ललितपुरमा ७१ र भक्तपुरका ४४ जना रहेका छन् ।

कोरोनाबाट ललितपुरका दुईजना र काठमाडौंका तीनजनाको मृत्यु भइसकेको छ । आइतबार काठमाडौं ५ र ललितपुरमा १ जना थपिएका थिए । स्वास्थ्य मन्त्रालयका अनुसार काठमाडौंका ३५, भक्तपुरका ८ र ललितपुरका २ जना डिस्चार्ज भएका छन् ।

शनिबार मात्रै काठमाडौंमा ३ जना संक्रमित थपिँदा २ जनाको मृत्यु भएको थियो । काठमाडौं उपत्यकामा सोमबार ५४ जना, मंगलबार २८ जना, बुधबार २३ जना, बिहीबार ५ जना र शुक्रबार ४२ जनामा कोरोना पोजिटिभ देखिएको थियो । उपत्यकाका ७१ ठाउँमा संक्रमित भेटिएका छन् ।

मन्त्रालयअन्तगर्तको इपिडिमियोलोजी तथा रोग नियन्त्रण महाशाखाका निर्देशक डा. वासुदेव पाण्डेका अनुसार उपत्यकामा सबैभन्दा बढी काठमाडौंमा कोरोना देखिएको बताए । उनले कोरोना प्रभावित मुलुकबाट उद्धारका क्रममा स्वदेश फर्किएका व्यक्तिका कारण संक्रमितको संख्या बढेको बताए ।

याे पनि पढ्नुस  भारतबाट आएका ६८ जनाको रिपोर्ट आयो

गत जेठ महिनासम्म न्यून सङ्क्रमित् फेला पर्ने काठमाडौं उपत्यकामा पछिल्ला दिनहरूमा दैनिक रुपमा सङ्क्रमित बढ्दो अवस्थामा छन् । जसमध्ये अधिकांश विदेश तथा बाहिरी जिल्लाबाट आएका छन् । तर सङ्क्रमितको सम्पर्कमा आएर सङ्क्रमण हुनेहरू पनि बढी छन् ।

मन्त्रालयका अनुसार काठमाडौंमा उपत्यकामा फेला पर्ने सङ्क्रमित अस्प्तालमा भर्ना भएका, विमानस्थल भएर आएका र केही कुनै यात्रा वृत्तान्त नरहेका पनि छन् । तर उपत्यकामा सङक्रमण दर बाहिरको अपेक्षा थोरै पाइएको छ । काठमाडौं उपत्यकामा सङक्रमण दर शून्य दशमलब पाँच प्रतिशत छ । बाहिर छ प्रतिशत रहेको छ ।

उपत्यका बाहिर महिला सङ्क्रमित करिब दश प्रतिशतको हाराहारीमा रही कम बेसी हुँदै आएको छ । तर काठमाडौं उपत्यकामा सङ्क्रमितमध्ये ४० प्रतिशत महिला छन् । डा. पाण्डेले यसबारे थप अध्ययन भइरहेको बताउँछन् ।

याे पनि पढ्नुस  के नेपालमा लकडाउनको शैली परिवर्तन हुनु जरूरी छ ?

डा. पाण्डेले अनुसार २५ गतेपछि काठमाडौं उपत्यकाको १२ स्थानबाट तीन हजार नमूना सङ्कलन गरिएको छ । मन्त्रालयले काठमाडौं उपत्यकामा तत्काल पाँच हजार नमूना लिने लक्ष्य राखेको छ ।

हाल उपत्याकामा विभिन्न संक्रम फैलन सक्ने संभावित १० स्थानबाट तीन हजार जनाका स्वाब संकलन गरिएकोमा एक हजार ६२१ जनाको परीक्षणको नतिजा आएको छ । जसमध्ये तीन जनामा सङक्रमणको पुष्टि भएको छ । जुन ०.१८ प्रतिशत हो । जोखिममा रहेका समुदायबाट उक्त नमूना सङ्कलन गरिएको छ । बैंक, वित्तीय संस्थान, बजार–पसल, स्वास्थ्य कार्यकत्र्ता र घनाबस्तीबाट नमूना सङ्कलन गरिएको छ ।

कोरोना संक्रमित भेटिएका स्थानः
काठमाडौंः कपुरधारा, कपन, चन्द्रागिरि, मैचीदेवी, मरुहिटी, कीर्तिपुर, पुरानो बानेश्वर, शंखमुल, चाबहिल, बालुवाटार, धुम्बाराही, महाराजगन्ज, तारकेश्वर, सीतापाइला, मनमैजु, नैकाप, गल्फुटार, कलंकी, धापासी, गोकर्ण, वसुन्धारा, बाफल, रानीवन, हाँडीगाउँ, कोटेश्वर, ट्याङ्लाफाँट, तीनकुने, खुसिबु, कागेश्वरी, टोखा, मूलपानी, काँडाघारी, साँखु, बौद्ध, बागबजार, वनस्थली, ताहाचल, सामाखुसी, टेकु, कुलेश्वर ।

याे पनि पढ्नुस  एउटै वडाका ४२ जनामा कोरोना पोजिटिभ

भक्तपुरः सल्लाघारी, दुवाकोटा, बागेश्वरी, दुधपाटी, बालकोट, गठ्ठाघर, बोडे, भोलाछे ।

ललितपुरः महालक्ष्मी, महालक्ष्मी स्थान, बुङ्मति, लुभु, लगनखेल, सानेपा, ठैब, पाटन, गोदावरी, सुनाकोठी, धापाखेल, हरिसिद्धि, हात्तीवन, चापागाँउ, भैंसेपाटी, नख्खु, प्युटार, चौघरे, जावलाखेल, गोटीखेल, कुपण्डोल, ग्वार्को, ठेचे ।

१२ वटा जोखिमस्थलहरूः अस्पताल, तरकारी बजार, फलफूल पसल, चिया पसल, दुग्ध/डेरी, रेस्टुरेन्ट, किराना पसल, बैंक, सरकारी निकाय, सपिङ सेन्टर, सैलुन/ब्युटिपार्लर, सार्वजनिक यातायात ।

मृतकः
काठमाडौं–१० शंखमूलका ६० वर्षीय पुरुष
काठमाडौं गोकर्णेश्वर नगरपालिका–४ का ५४ वर्षीय पुरुष
काठमाडौं नयाँ बानेश्वरका ८५ वर्षीय वृद्ध
ललितपुरको बुङमतीका ५६ वर्षीय पुरुष
ललितपुरको महालक्ष्मी नगरपालिका– ५ का पुरुष

कमेन्ट गर्नुहोस्