प्रदेश प्रहरी र वन विधेयक पारित

विराटनगर : ‘प्रदेश प्रहरीका सम्बन्धमा व्यवस्था गर्न बनेको विधेयक, २०७७’ सर्वसम्मतिले आज पारित भएको छ ।

प्रदेश-१ को प्रदेशसभा नियमावली, २०७४ को नियम ९४ (१) (क) बमोजिम आन्तरिक मामिला तथा कानूनमन्त्री हिक्मतकुमार कार्कीले विधेयक पारित गरियोस् भन्ने प्रस्ताव सदनमा पेस गरेका थिए ।

मन्त्री कार्कीले गल्ती गर्ने प्रहरीलाई सम्बन्धित जिल्लामै जिल्ला न्यायाधिवक्ताको नेतृत्वमा बन्ने विशेष आदालतले छिनोफानो गर्ने व्यवस्था विधेयकले गरेको जानकारी दिए ।

याे पनि पढ्नुस  ट्राफिक नियम उल्लंघन गरे स्पटमैं कार्वाही गरिने

अहिलेको परिस्थितिमा प्रहरीको तलब दोब्बर गर्न नसकिने बताउँदै उनले जोखिम र चुनौतीका क्षेत्रमा काम गर्ने प्रहरीलाई आन्तरिक मूल्याङ्कनमा नम्बर बढ्ने व्यवस्था मिलाइएको जानकारी दिए ।

यसअघि विधेयक संशोधनका लागि प्रस्ताव दर्ता गराएका प्रदेशसभा सदस्य उमिता विक, बुद्धिकुमार राजभण्डारी, लछुमण तिवारी, विमल कार्की र शिवनारायण गनगाइँले संशोधनका बुँदा आंशिक रुपमा आन्तरिक मामिलामन्त्रीले स्वीकार गरेको जनाउँदै प्रस्ताव फिर्ता लिएका थिए ।

याे पनि पढ्नुस  प्रदेश १ का उच्च तहका कर्मचारीसहित १८ जनामा कोरोना पुष्टि

यसैगरी, प्रदेश-१ को प्रदेशसभा नियमावली, २०७४ को नियम १ सय ८ बमोजिम प्रदेश वनको व्यवस्था गर्नका लागि बनेको विधेयक सर्वसम्मतिले पारित भएको छ ।

उद्योग, पर्यटन वन तथा वातावरणमन्त्री जगदीशप्रसाद कुसियतले सो प्रस्ताव सदनमा पेश गरेका थिए ।

प्रदेश सभाको अर्को बैठक मङ्गलबार अपराह्न १ बजे बस्ने सभामुख प्रदीपकुमार भण्डारीले जानकारी दिए ।

कमेन्ट गर्नुहोस्