कोरोना परीक्षण प्रयोगशाला स्थापनाका लागि २५ लाख सहयोग

झापाः झापाको कनकाई नगरपालिका-४ स्थित कोटिहोममा कोभिड-१९ को परीक्षणका लागि स्थापना गरिएको पीसीआर मेशिन खरिदका लागि अन्तरराष्ट्रिय झापाली समाजले रु २५ लाख सहयोग गरेको छ ।

झापामा दिन प्रतिदिन कोरोना सङ्क्रमितको सङ्ख्या बढ्दै गएपछि जनस्तरबाट कोरोना परीक्षण प्रयोगशाला स्थापनाको पहल थालिएको थियो । जसका लागि झापामा ‘एकका लागि एक’ अभियान सञ्चालन गरिएको थियो ।

याे पनि पढ्नुस  कटुवा पेस्तोलसहित एकजना पक्राउ

अभियानसँग साझेदारी गर्दै अन्तरराष्ट्रिय झापाली समाजका उपाध्यक्ष नवीन पोखरेलले आज बिर्तामोडमा आयोजित कार्यक्रमबीच समाजले पठाएको रु २५ लाखको चेक अभियानका संयोजक महेन्द्रकुमार गिरी र सहसंयोजक विनोद बस्नेतलाई हस्तान्तरण गरे ।

यसअघि झापामा सञ्चालित सहकारीहरुले समेत ल्याब स्थापनाका लागि रु २५ लाख अभियानलाई प्रदान गरेका थिए । अभियानबाट झण्डै रु डेढ करोड सङ्कलन गरेर कोटिहोममा कोरोना परीक्षण प्रयोगशाला स्थापना गरिएको छ । स्थापना गरिएको ल्याब प्रदेश सरकारलाई हस्तान्तरण गर्ने तयारी भइरहेको छ ।

याे पनि पढ्नुस  प्रहरी र कर्मचारीसँग रक्षाबन्धन

उता मेची अञ्चल अस्पतालमा समेत कोरोन परीक्षण प्रयोगशाला स्थापनाको पहल थालिएको छ । कोटिहोम र मेची अञ्चल अस्पतालको ल्याब सञ्चालनमा आएपछि झापासहित पूर्वको इलाम पाँचथर र ताप्लेजुङमा सङ्कलित स्वाब परीक्षणका लागि प्रदेश सरकारले धरान र विराटनगरमा स्थापना गरेको ल्याबसम्म स्वाब पुर्‍याउनुपर्ने बाध्यता हटेर जाने भएको छ ।

याे पनि पढ्नुस  सात वर्षीया आफ्नै छोरीलाई करणी गरेको अभियोगमा एक व्यक्ति पक्राउ

अहिले प्रदेश सरकारले स्थापना गरेको २ वटा ल्याबमा प्रदेश नं १ का १४ जिल्लाको स्वाब परीक्षण हुँदै आएको छ ।

कमेन्ट गर्नुहोस्