पार्टी र सरकार भ्रष्टीकरणको बाटोमा अघि बढ्यो, बिसर्जनको गम्भीर खतराः प्रवक्ता श्रेष्ठ

काठमाडौंः नेकपा प्रवक्ता नारायणकाजी श्रेष्ठले पार्टी र सरकार भ्रष्टीकरणको बाटोमा अघि बढेको आरोप लगाएका छन् । जसका कारण बिसर्जनको गम्भीर खतरा बढ्दै गएको उनले बताए ।

काठमाडौंमा आयोजित एक कार्यक्रममा बोल्दै श्रेष्ठले भने, ‘लामो बलिदानपछि उपलब्धि प्राप्त, दुई तिहाईको सरकार बन्यो । तर जसरी सरकारले जन अपेक्षाअनुरुप जानुपथ्र्यो र पार्टीले त्यसलाई नेतृत्व दिनुपथ्र्यो त्यो हुन सकेन ।’

याे पनि पढ्नुस  खनाल र गौतमले भेटे प्रचण्डलाई

उनले पार्टी र सरकार विधि पद्धति अनुरुप नचलेको भन्दै भ्रष्टीकरण हुने दिशातर्फ अघि बढेको भन्दै चिन्ता व्यक्त गरे । मजदुर, किसान, शोषित, पीडितको पक्षमा भन्दा दलाल र नोकका पक्षमा सरकार छ भन्ने कुरा पछिल्ला घटनाले पुष्टि गरेकाे उनले बताए ।

यो अवस्थामा दुइवटा बाटो रहेको उनले बताए । ‘पहिलो नकारात्मक पात्र र प्रवृतिलाई रुपान्तरण गर्ने बाटो थियो । मंसिर ४ र वैशाख ४ ले सम्बोधन गर्न खोजेको लाइन प्रवृतिमा सुधारको थियो । तर, दुबै सहमति पालना भएन’, उनले दुखेसो पोखे ।

याे पनि पढ्नुस  फेरि भेट्दै ओली र प्रचण्ड

त्यसपछि नकारात्मक पात्रहरुलाई फेरेर भएपनि पार्टीलाई अकर्मण्य र सरकारलाई असफल हुनबाट जोगाउनुपर्नेमा उनले जोड दिए ।

उनले थपे ‘तर यसका लागि बैठक बस्नुपर्छ । सबै मिलेर छलफल गर्नुपर्छ । त्यो बैठकले अहिलेको समस्या हल गरियोस् र महाधिवेशनतर्फ पार्टी अघि बढोस् । तर, महाधिवेशनका लागि पनि न्यूनतम संगठनात्मक तयारी र वैचारिक तयारी हुनु जरुरी छ । यहि कुरालाई गलत ढंगले व्याख्या गरिरहेका छन् ।’

याे पनि पढ्नुस  अनेरास्ववियूका नेताको शान्ति वनमा प्रगतिशील विवाह

नेकपा भित्रको क्रान्तिको मुख्य ध्येय समाजवादी क्रान्तिको आधार तयार पार्ने रहेको भन्दै उनले त्यसलाई सकारात्म पात्रहरुले पहल गरिरहेको बताए ।

कमेन्ट गर्नुहोस्