२ समूहबीच ग्याङ फाइट हुँदा १ जनाको मृत्यु, ४ घाइते

काठमाडौंः मोरङको बेलबारीमा २ समूहबीच ‘ग्याङ फाइट’ मा १ जनाको मृत्यु भएको छ । मृत्यु हुनेमा बेलबारी नगरपालिका-५ कसेनीका ४० वर्षीय चन्द्रकुमार राई रहेको प्रहरीले जनाएको छ ।

शुक्रबार दिउँसो कसेनीस्थित लोहन्द्र पुलमा भएको ‘ग्याङ फाइट’ मा राईको उपचारको क्रममा मृत्यु भएको मोरङका प्रहरी प्रवक्ता डीएसपी मानबहादुर राईले बताए । डीएसपी राईका अनुसार चन्द्रबहादुर राईको उपचारका क्रममा विराट शिक्षण अस्पतालमा मृत्यु भएको हो ।

याे पनि पढ्नुस  काठमाडौं वन्यजन्तुका अंग तस्करीको हब बन्दै

यस्तै घटनामा चार जना गम्भीर घाइते भएका छन् । घटनामा सईकुमार राई, समुन्द्र राई, जितेन चौधरी र गौरव राई घाइते भएका हुन् । उनीहरुको विराट शिक्षण अस्पतालमा उपचार भइरहेको डीएसपी राईले बताए ।

चौधरी समूहका दिनेश श्रेष्ठ र सन्तोष मगरले सुरुमा बन्चरो र खुकुरीलगायत हतियारले राई समूहमाथि आक्रमण गरेको प्रहरी अनुसन्धानबाट खुलेको प्रहरीले जनाएको छ ।

याे पनि पढ्नुस  काठमाडौंको शंकरापुरमा टिपरको ठक्करबाट एकजनाको मृत्यु

राई समूह र चौधरी समूह एकआपसका छिमेकी हुन् । मादक पदार्थ सेवन गरेका दुई पक्षबीच बिहीबार बेलुकैदेखि सामान्य झगडा भएको थियो ।

अघिल्लो दिनको रिसईबीका कारण भएको दुई समूहको ‘ग्याङ फाइटमा’ चन्द्रकुमार राईले ज्यान गुमाएको प्रहरीको भनाइ छ । झगडा के कारणले भएको खुल्न बाँकी रहेको डीएसपी राईले बताए ।

याे पनि पढ्नुस  काठमाडौंमा ढकमक्क फुलेको म्याकाराण्डा

घटनामा संलग्न अन्य तीनजना फरार रहेको र खोजीकार्य भइरहेको प्रहरीले जनाएको छ ।

कमेन्ट गर्नुहोस्