रिलायन्स लाइफ इन्स्योरेन्सको आईपीओ बाँडफाँड सम्पन्न

काठमाडौं: रिलायन्स लाइफ इन्स्योरेन्सले भदौ ४ गतेदेखि ८ गतेसम्म खुलाएको प्रारम्भिक शेयर निष्कासन आईपीओको बाँडफाँड भएको छ ।

१ सय अङ्कित दरका ५६ लाख ७० हजार कित्ता शेयरकोे बाँडफाँड तथा निष्कासन बिक्री प्रबन्धकको कार्यालय सानिमा क्यापिटलमा सम्पन्न भएको हो ।

कम्पनीको प्रारम्भिक शेयर निष्कासनमा ५ लाख ८९ हजार चार सय ६४ आवेदकबाट २ करोड २९ लाख २६ हजार १० कित्ता शेयरको लागि आवेदन परेको थियो । तीमध्ये १ हजार नौ सय ५५ आवेदकको ७१ हजार ५ सय ९० कित्ता शेयरकोे आवेदन रद्द भएका छन् ।

पाँच लाख ८७ हजार ५ सय नौ योग्य आवेदकमध्ये गोलाप्रथाको आधारमा बाँडफाँड गर्दा ५ लाख ६७ हजार आवेदकलाई १० कित्ताका दरले शेयर बाँडफाँड गरिएको कम्पनीले जनाएको छ । अब ६३ लाख कित्ता शेयरमा पाँच लाख ६७ हजार दुई सय ४३ शेयरधनी कायम भएका छन् ।

 

कमेन्ट गर्नुहोस्