मेसी र रोनाल्डोलाई एकसाथ खेलाउने युुभेन्टस‍्को योजना

एजेन्सीः लियोनल मेसीले क्लब छाड्न चाहेको औपचारिक जानकारी बार्सिलोनालाई गराइसकेका छन् । उनी मनस्थिति परिवर्तन गरेर क्लबमै बस्छन् वा अन्यत्र जान्छन् । यो अहिले सर्वत्र चर्चाको विषय छ । अन्यत्र जानुपर्ने अवस्थामा उनले कुन क्लब रोज्लान्, यसबारे पनि चर्चा-परिचर्चा भइरहेको छ ।

पेरिस सेन्ट जर्माइन, म्यानचेस्टर सिटी, म्यानचेस्टर युनाइटेड र इन्टर मिलानले मेसीलाई भित्र्याउने चासो देखाएका छन् । अर्जेन्टिनास्थित निवेल वल्ड ब्वाईज, जहाँबाट मेसीले बाल्यकालमा खेलेका थिए । उक्त क्लबका समर्थकहरुले मेसी स्वदेश फर्कनुपर्ने र आफ्नो क्लबबाट खेल्नुपर्ने भन्दै र्‍याली नै निकालिसकेका छन् ।

याे पनि पढ्नुस  भारतमा कोरोना सङ्क्रमितको सङ्ख्या ३२ लाख नाघ्यो

यहीक्रममा अहिले मेसीसँग नयाँ क्लबको नाम जोडिएको छ । पोर्चुुगिज स्टार क्रिष्ट्रियानो रोनाल्डो आबद्ध इटालियन क्लब युुभेन्टस् मेसीलाई भित्र्याउन इच्छुुक देखिएको हो । फ्रान्सेली स्पोर्टस् अनलाईन लिपिकमा प्रकाशित समाचारअनुसार इटालियन च्याम्पियन युुभेन्टस्ले मेसीसँग सम्पर्क पनि गरिसकेको छ । युुभेन्टस्का नयाँ प्रशिक्षक आन्द्रे पिर्लो विश्वका २ ठूला स्टारलाई आफ्नो क्लबबाट खेलाउन चाहन्छन् ।

याे पनि पढ्नुस  भान डे विकलाई भित्र्याउँदै युनाइटेड

उनले विगतमा पनि धेरैपटक मेसीको प्रशंशा गरेका थिए । मेसी र रोनाल्डोबीच को उत्कृष्ट भन्ने विवाद सधैं रहँदै आएको छ । विशेषगरी, रोनाल्डो रियल म्याड्रिडमा छँदा यो बहस उत्कर्षमा थियो । रोनाल्डोले ५ पटक र मेसीले ६ पटक बेलोन डि अर जितिसकेका छन् । च्याम्पियन्स लिग फुटबलमा बार्सिलोनालाई बार्यन म्युनिखले ८-२ गोलअन्तरले स्तब्ध बनाएपछि मेसीले क्लब छाड्ने हल्ला चलेको थियो ।

याे पनि पढ्नुस  जेफ बेजोस बने २०० बिलियन डलर सम्पत्ति भएका विश्वकै पहिलो व्यक्ति

त्यसको केही समयपछि नयाँ प्रशिक्षक रोनाल्ड कोम्यानसँग मेसीको भेट भयो । तर उक्त भेट सोचेजस्तो राम्रो हुनसकेन । जसकारण, आक्रोशित बनेका मेसीले बार्सिलोना छाड्ने औपचारिक जानकारी क्लब व्यवस्थापनलाई दिए । बार्सिलोनाका अध्यक्ष जेसेफ मारिया बोर्टामोउले भने मेसीलाई निर्णय फिर्ता लिन आग्रह गरिसकेका छन् । मेसीले क्लब नछाड्ने घोषणा गरेमा आफू राजीनामा गर्न पनि तयार रहेको उनले बताएका छन् ।

कमेन्ट गर्नुहोस्