आजै राजीनामा दिँदै अर्थमन्त्री खतिवडा, अबको भूमिका के ?

काठमाडौंः अर्थमन्त्री डा. युवराज खतिवडाले राजीनामा दिने घोषषा गरेका छन् । सञ्चारमन्त्री तथा सरकारको प्रवक्ता समेत रहेको खतिवडाले आजको मन्त्रिपरिषद् बैठकमा शुक्रबार साँझ राजीनामा दिने घोषणा गरेका हुन् ।

संविधानअनुसार संसदको सदस्य नरहेको व्यक्ति ६ महिनाभन्दा बढी मन्त्री बन्न नमिल्ने व्यवस्थाअनुसार खतिवडाको ६ महिने कार्यकाल शनिबार राति १२ बजे सकिँदैछ । तर, भोलि शनिबार परेकोले उनले आजै साँझ प्रधानमन्त्री केपी ओलीसमक्ष राजीनामा दिने घोषणा गरेका हुन् ।

याे पनि पढ्नुस  कांग्रेसको ठहरः ओली नेतृत्वको सरकारले शासन गर्ने आधार गुमायो

नेपाल कम्युनिष्ट पार्टी (नेकपा) को बिहीबार बसेको सचिवालय बैठकले रिक्त रहेको राष्ट्रिय सभा सदस्यमा उपाध्यक्ष वामदेव गौतमलाई पठाउने निर्णय गरेको थियो । उक्त निर्णयसँगै खतिवडाको पद धरापमा परेको थियो ।

खतिवडा प्रधानमन्त्री ओलीले रुचाएका पात्र हुन् । ओली वामदेवलाई प्रतिनिधि सभाकै कुनै पद रिक्त गराएर निर्वाचनमार्फत प्रतिनिधि सभामा लैजान र खतिवडालाई राष्ट्रियसभामा मनोनित गरेर अर्थमन्त्री बनाउन चाहन्थे । तर, उनको त्यो सपना पूरा नभएपछि खतिवडाले राजीनामा दिन बाध्य भएका हुन् ।

याे पनि पढ्नुस  स्वास्थ्य क्षेत्रमा उल्लेख्य बजेटः अर्थमन्त्री खतिवडा

खतिवडाले राजीनामा दिएसँगै उनको नेकपाभित्र के भूमिका रहन्छ भन्ने पनि बहस शुरू भएको छ । प्रधानमन्त्री ओलीले खतिवडालाई आफ्नो प्रमुख सल्लाहकार बनाएर सबै मन्त्रालयको अनुगमन गर्ने जिम्मेवारी दिन लागेको कुरा चर्चामा छ ।

कमेन्ट गर्नुहोस्