बागलुङ पहिरोमा फेला परेका १३ जनाको सनाखत

बागलुङ : भदौ १७ गते रातिको बाढी र पहिराले बागलुङको ढोरपाटन नगरपालिका- ९ बोबाङमा मृत्युभएका १४ मध्ये १३ जनाको शव सनाखत भएको छ ।

पहिचान भएका वडा नं ९ घर भएकी २३ वर्षीया दिलमाया पुन, ३१ वर्षीया रिमकुमारी घर्ति मगर, वडा नं. ९ कै २६ वर्षीया केशमाया बिक, ११ वर्षीय मदन बिक, २२ वर्षीय जीवन बिक र ११ वर्षीय डल्ले बिकको शव आवश्यक कानुनी प्रक्रिया पुर्‍याएर आफन्तको जिम्मा लगाइएको इलाका प्रहरी कार्यालय बुर्तिबाङका प्रहरी निरीक्षक प्रकाशसिंह भण्डारीले जानकारी दिए ।

याे पनि पढ्नुस  राहतसहित गृहमन्त्री थापा ढोरपाटनमा

त्यसैगरी ६ वर्षीय बिराज बिक, ६५ वर्षीया ज्योती पुन, २३ वर्षीया दिलमाया पुन, ३१ वर्षीय प्रेम पुन, १३ वर्षीया पुनि बिक, ६५ वर्षीय डोटी पुन र ४६ वर्षीय करबहादुर बिकको पहिचान गरेर जिम्मा लगाइएको भण्डारीले बताए ।

घटनामा बेपत्ता भएका २४ जनाको खोजी कार्य जारी रहेको छ । नेपाल प्रहरी, नेपाली सेना र स्थानीयवासीले नदी किनारमा खोजतलास गरिरहेका प्रहरी निरीक्षक भण्डारीले जानकारी दिए ।

याे पनि पढ्नुस  राहतसहित गृहमन्त्री थापा ढोरपाटनमा

बाढी पहिराले बोबाङको फल्लेघर, सुकुरदुङ, घट्टबोट, लाकुरीबोटलगायतका स्थानमा अधिकांश घर क्षतिग्रस्त देखिएका उनले बताए । वडा नं. ८ र ९ मा करिव ४० घर बगेका देखिएपछि वडाबाट आवश्यक तथ्याङ्क सङ्कलन सुरु गरिएको नगर प्रमुख देवकुमार नेपालीले बताए ।

पहिरोमा ८० घरमा पूर्ण क्षति, ५१ घरमा आंशिक क्षति, ११ लघुजलविद्युत्, स्वास्थ्य एकाइ १, झोलुङ्गे पुल ११, ढलान पुल पाँच, काठे पुल १० र २ विद्यालयमा क्षति पुगेको नगरपालिकाले विज्ञप्ति जारी गरेर जनाएको छ ।

कमेन्ट गर्नुहोस्