कुलमानलाई पुन नियुक्त गर्न मन्त्रिपरिषदमा प्रस्ताव पेश, कहिले होला निर्णय ?

काठमाडौंः नेपाल विद्युत प्राधिकरणको कार्यकारी निर्देशकमा ४ वर्षका लागि पुनः कुलमान घिसिङलाई नियुक्त गर्न मन्त्रिपरिषद् बैठकमा प्रस्ताव पेश भएको छ ।

ऊर्जा, जलश्रोत तथा सिंचाइमन्त्री वर्षमान पुन अनन्तले गत सोमबारको मन्त्रिपरिषद् बैठकमा उक्त प्रस्ताव पेश गरेको उनका सचिवालय प्रमुख दुर्गाप्रसाद चापागाईंले जानकारी दिएका छन् ।

याे पनि पढ्नुस  ‘प्रधानमन्त्रीको समर्थनमा २५ जनाले जुलुस लगाउँदा वेइज्जत भयो’

चापागाईंले प्रधानमन्त्री केपी शर्मा ओली र नेकपाका कार्यकारी अध्यक्ष पुष्पकमल दाहाल (प्रचण्ड)सँग परामर्श गरेरै मन्त्री पुनले घिसिङको मात्र नाम मन्त्रिपरिषदमा प्रस्ताव गरेको समेत स्पष्ट पारेका छन् ।

हाल उक्त प्रस्ताव प्रधानमन्त्री तथा मन्त्रिपरिषद्को कार्यालयमा विचाराधीन अवस्थामा रहेको र प्राधिकरणको आवश्यकता र आम जनचाहनालाई मध्यनजर गर्दै मन्त्रिपरिषद्ले उक्त प्रस्तावमाथि छिट्टै निर्णय गर्ने आशा मन्त्री पुनको सचिवालयले व्यक्त गरेको छ ।

याे पनि पढ्नुस  प्रधानमन्त्रीको स्वास्थ्य स्थिर, उपचारका लागि फेरि सिंगापुर लगिने

गत भदौ २९ गते चार वर्षे कार्यकाल सकिएपछि घिसिङको भदौ ३० गते औपचारिक बिदाइ भइसकेको छ । उनलाई पुन नियुक्ति गर्नुपर्ने आवाज उठिरहेको छ । तर, त्यसबारे निर्णय भने भइसकेको छैन ।

कमेन्ट गर्नुहोस्