कोरोनाका कारण मलेसियामा ७ सय नेपाली कामबाट निकालिए

काठमाण्डौंः विश्वव्यापी फैलिएको कोरोनाको असरका कारण मलेसियामा रहेका ७ सय नेपाली श्रमिकहरु कामबाट निकालिएका छन् ।

प्रवासी नेपाली समन्वय समिति पीएनसीसीका अनुसार यो ५ महिनाको अवधिमा मलेसियामा ७ सय नेपाली कामबाट निकालिएका छन् भने झण्डै ५ हजार जनाले न्युनतम तलब पनि पाएका छैनन् । २ हजार नेपाली श्रमिकले भने न्यून तलब पाएका छन् ।

याे पनि पढ्नुस  गृहमन्त्री थापाको कोरोना परीक्षण रिपोर्ट नेगेटिभ

यस्तै मलेसियामा १० हजार नेपाली श्रमिकको भिसाको म्याद सकिएको छ । विभिन्न कारण त्यहाँ समस्यामा परेका १९ हजार नेपाली स्वदेश फर्किने पर्खाइमा भए पनि अहिलेसम्म ३ हजार ५ सय जना मात्र फर्किएको पीएनसीसीले जनाएको छ ।

मलेसियामा रहेको नेपली दूतावासको तथ्याँंक अनुसार मलेसियामा तीन लाख २५ हजार नेपाली श्रमिक कार्यरत छन् । तीमध्ये २५ हजार नेपाली विभिन्न कारणले अवैधानिक भएको पीएनसीसीले जनाएको छ । मलेसियामा धेरै नेपाली म्यानुफ्याक्चरिङमा क्षेत्रमा कार्यरत छन् ।

याे पनि पढ्नुस  कुन-कुन जिल्लामा थपिए आज कोरोना संक्रमित? (सूचीसहित)

 

कमेन्ट गर्नुहोस्