आइपीएल : पञ्जाव र दिल्लीको म्याच आज, प्लेइङ-११ मा सन्दीपको सम्भावना

काठमाडौं : इण्डियन प्रिमियर लिग (आइपीएल) २०२० को आफ्नो पहिलो म्याचमा दिल्ली क्यापिटल्सले आइतबार किंग्स इलावेन पञ्जावको सामना गर्दैछ ।

दिल्ली र पञ्जावबीचको खेल साँझ ७ः४५ बजेदेखि सुरु हुनेछ । पछिल्लो ५ म्याचमा पञ्जावविरुद्ध दिल्लीले एक खेलमा मात्र जित हासिल गर्न सफल भएको छ ।

पञ्जावविरुद्ध प्लेइङ-११ मा सन्दीपको सम्भावना कति?

दिल्लीले म्याच खेल्नुअघि लोकप्रिय अनलाइन इसपीएनक्रिकइन्फोले दिल्लीबाट आइपीएल खेलिरहेका नेपाली क्रिकेटर सन्दीप लामिछाने प्लेइङ-११ मा मौका पाउन सक्ने लेखेको छ । क्रिकइन्फोले लेखेको एक समाचार अनुसार सन्दीपले आज प्लेइङ-११ मा मौका पाउन सक्छन् ।

याे पनि पढ्नुस  आजदेखि सिपिएल शुरू हुँदै, सन्दिपको खेल कहिले ?

समाचारमा उल्लेख गरेअनुसार क्रिकइन्फोले विदेशी खेलाडीको रूपमा सन्दीप, शिमरोन हेटमायर, कागिसो रबाडालाई विशेष स्थान दिएको छ । दिल्लीले चौथो विदेशी खेलाडीको रूपमा एलेक्स क्यारी, मार्कस स्टोइनिस र किमो पलमध्ये एकलाई खेलाउन सक्ने उल्लेख गरिएको छ ।

समाचारमा सन्दीपले प्लेइङ-११ मा मौका पाउन सक्ने उल्लेख गरे पनि उनी वेष्ट इण्डिजबाट यूएई ढिला पुगेका छन् । यूएई पुग्न गरेको ढिलाईका कारण सन्दीपले पञ्जाव विरुद्धको खेल गुमाउने चर्चा पनि छ । तर, यथार्थ केहो आइतबार साँझ नै थाहा हुनेछ ।

याे पनि पढ्नुस  आइपीएलः अक्सनका लागि ३३२ खेलाडीको सूची तयार

यो सिजनमा सन्दीपले दिल्लीको धेरै म्याचमा मौका पाउन सक्ने चर्चा छ । भारतीय टिमका पूर्वकप्तान सुनील गावस्करले त सन्दीपको प्रशंसा गर्दै दिल्लीले उनलाई प्लेइङ-११ मा मौका दिन पनि आग्रह गरेका छन् ।

लामिछानेले हालै सम्पन्न सीपीएलमा राम्रो प्रदर्शन गरेका थिए । उनले राम्रो इकोनमीमा ११ म्याचको १० इनिङ्सका १२ विकेट लिएका थिए ।

याे पनि पढ्नुस  सन्दीपले गरे गौतमबुद्ध क्रिकेट रंगशालालाई सहयाेग

राम्रो लयका साथ यूएई पुगेका सन्दीपले दिल्लीको प्लेइङ-११ मा पर्न पाएको मौका सदुपयोग गर्नुपर्ने हुन्छ । दिल्लीमा उनीसहित अमित मिश्रा र रविचन्द्रन आश्विन जस्ता अनुभवी स्पिनर पनि छन् ।

दिल्ली र पञ्जावको सम्भावित प्लेइङ ११ :

कमेन्ट गर्नुहोस्