आइपीएल : ‘सुपर ओभर’मा पञ्जाबलाई हराउँदै दिल्लीको विजयी सुरुवात

काठमाडौं  : यूएईमा जारी इण्डियन प्रिमियर लिग (आइपीएल) अन्तर्गत किंग्स इलावेन पञ्जाबविरुद्ध दिल्ली क्यापिटल्स सुपर ओभरमा विजयी भएको छ ।

सुपर ओभरमा पञ्जाबले दिएको ३ रनको लक्ष्य दिल्लीले दोस्रो बलमै पूरा गर्‍यो । उसका लागि ऋषभ पन्तले ३ रन बनाए ।

खेल सुपर ओभरमा धकेलिएपछि ब्याटिङ गर्न आएका पञ्जाबका कप्तान केएल राहुलले २ र निकोल पूरनले शून्यमै आउट भए । बलिङमा कागिसो रबाडाले २ विकेट लिए ।

याे पनि पढ्नुस  आइपीएल अक्सनः मोर्गन साढे ५ करोडमा बिक्री

अन्तिम ओभरमा पञ्जाबलाई जितका लागि १३ रन चाहिएको थियो । तर, उसले १२ रन मात्र बनाउन सक्यो ।

दिल्लीले दिएको १ सय ५८ रनको लक्ष्य पछ्याएको पञ्जाबले निर्धारित २० ओभरमा ८ विकेट गुमाएर १ सय ५७ रन बनायो ।

उसका लागि ओपनर मयंक अग्रवालले शानदार ब्याटिङ गरे । उनले ६० बलमा ४ छक्का र ७ चौकासहित ८९ रन बनाए । पञ्चाबका अन्य ब्याट्सम्यानले भने सन्तोषजनक प्रदर्शन गर्न सकेनन् ।

याे पनि पढ्नुस  आइपीएलः केकेआरलाई झड्का, यी खेलाडीमाथि लाग्यो प्रतिबन्ध

बलिङमा दिल्लीका रविचन्द्रन आश्विन, कागिसो रबाडा, मार्कस स्टोइनिसले २/२, मोहित शर्मा र अक्षर पटेलले एक/एक विकेट लिए ।

यसअघि टस हारेर ब्याटिङको मौका पाएको दिल्लीले निर्धारित २० ओभरमा ८ विकेट गुमाएर १ सय ५७ रन बनायो ।

उसका लागि मार्कस स्टोइनिसले शानदार ब्याटिङ गरे । उनले २१ बलमा २ छक्का र ७ चौकासहित ५३ रन बनाए ।

याे पनि पढ्नुस  आउँदो सिजनको आइपीएलका लागि सीएसकेको बेस्ट प्लेइङ ११

त्यस्तै, कप्तान श्रेयस अय्यर ३९, ऋषभ पन्त ३१, शिमरन हेटमायर ७, रविचन्द्रन आश्विन ४, अक्षर पटेल , पृथ्वी शा ५ र शिखर धवन शून्य रनमा आउट भए ।

बलिङमा पञ्जाब टिमका मोहम्मद शामीले ३, सेल्डन कोट्रेलले २ र रबि बिश्नोई एक विकेट लिए ।

कमेन्ट गर्नुहोस्