३ घण्टासम्म अस्पताल छिर्न नदिएपछि बिरामीको मृत्यु

अस्पताल पुर्याएर पनि समयमा उपचार नपाई एक वृद्धाको निधन भएको छ । झापाको मेचीनगर–५ निवासी ७२ वर्षीया पवित्रादेवी तिम्सिनाको धरानस्थित बिपी कोइराला स्वास्थ्य विज्ञान प्रतिष्ठानमा समयमा उपचार हुन नसक्दा आइतबार राति ९ बजे निधन भएको हो ।

श्वासप्रस्वासमा समस्या भएपछि यही असोज १ गते उनलाई झापाकै कनकाई अस्पताल विर्तामोडमा भर्ना गरिएको थियो । बिरामीको अवस्था झन जटिल बन्दै गएपछि अस्पतालले धरान लाने सल्लाह दिए अनुसार बिरामीलाई परिवारले आइतबार नै धरानस्थित बिपी कोइराला स्वास्थ्य विज्ञान प्रतिष्ठानमा पुर्याए ।

याे पनि पढ्नुस  रजिष्टर्डदेखि उपकूलपतिसम्मको यात्राः २६ वर्षमा वैध भन्दा अवैध सम्पति बढी !

तर धरानमा तीन घण्टासम्म बिरामीलाई अस्पताल प्रवेश गर्न नदिएपछि बिरामीको स्वास्थ्य थप कमजोर बन्दै गएको र धरानमा समयमा उपचार नपाएकै कारण तिम्सिनाको निधन भएको पारिवारिक स्रोतले जनाएको छ ।

निजको निधनपछि अस्पतालले कोरोना परीक्षणका क्रममा गरेको स्वाब सङ्कलनको रिपोर्ट पोजेटिभ आएको जनाइएको छ । कोरोना सङ्क्रमण पुष्टि भएपछि तिम्सिनाको सोमबार बेलुका ८ बजे झापाको कनकाई घाटमा परिवारका सदस्य र आफन्तजनका साथमा नेपाली सेनाले दाहासंस्कार गरेको बताइएको छ ।

याे पनि पढ्नुस  बलात्कार आरोपित एसएसपी राणालाई ५ दिन हिरासतमा राख्न अनुमति

तिम्सिनाका छ छोरा र चार छोरी हुनुहुन्छ । स्व तिम्सिनाका ज्वाइँ दयाराम दाहाल (सुलभ) राष्ट्रिय समाचार समिति सञ्चालक समितिको सदस्य तथा प्रेस सङ्गठन नेपालका केन्द्रिय सदस्य छन् । कान्छा छोरा सुजन नेपाल पत्रकार महासङ्घ इलाम शाखा उपाध्यक्ष छन् भने भने छोरी सृजना महासङ्घ ललितपुर शाखा उपाध्यक्ष हुन । त्यस्तै छोराहरू वासुदेव र गणेश तथा छोरीहरू मन्जु र निर्मला पनि विभिन्न सञ्चार माध्यममा आवद्ध रहेका छन् ।

कमेन्ट गर्नुहोस्