पर्वत-बागलुङ सडक पुनःअवरुद्ध

पर्वतः भारी वर्षा भैरहेका कारण मध्यपहाडी लोकमार्गको पर्वत-बागलुङ सडक पुनःअवरुद्ध भएको छ । पर्वतको कुस्मा नगरपालिका-१ सहस्रधारामा निरन्तर पहिरो झर्ने क्रम नरोकिएपछि दैनिक सडक अवरुद्ध हुँदै आएको छ ।

गत मङ्गलबार रातिदेखि अवरुद्ध भएको सडक बुधबार दिउँसो ४ बजेपछि एकतर्फी चलेपनि रातिदेखि पुनः अवरुद्ध भएको जिल्ला प्रहरी कार्यालय पर्वतका प्रहरी निरिक्षक बुद्धिप्रसाद सुवेदीले जानकारी दिए। वर्षा नरोकिएकाले पहिरो खुलाउन सकिएको छैन ।

याे पनि पढ्नुस  अब चार लेनभन्दा कमको सडक बन्दैनन्ः अर्थमन्त्री खतिवडा

सामान्य वर्षा हुने वित्तिकै पहिरो ठूलो भएकाले ढुङ्गा र लेदो बगेर आउँछ । वर्षा हुँदा स्काभेटर प्रयोग गरेर हटाउन समेत कठिन भएकाले २० घण्टादेखि बाटो अवरुद्ध बनिरहेको उनले बताए । पाङ जोड्न सहस्रधारा–पाङ सडक निर्माण गरिएपछि सहस्रधाराका विभिन्न ठाउँमा पहिरो खसेको छ । सडक अवरुद्ध हुँदा यातायातका साधन घण्टौ रोकिने गरेका छन । अहिले लामो दुरीका सवारी साधन खुलेपछि यात्रुको चाप बढेपनि अवरुद्ध हुँदा त्यसले यातयात ब्यवसायी र यात्रु प्रभावित हुन पुगेका छन ।

याे पनि पढ्नुस  चिटिक्क परे राजधानीका सडक

सडक खुलाउन स्काभेटर तयारी अवस्थामा छ । दैनिक चारपाँच घण्टा स्काभेटर चलाएर सडक खुलाउँदा सडक निर्माणको जिम्मा लिएको लामा कन्ट्रक्सनले पनि थप आर्थिक भार बेहोर्न बाध्य छ । लामा कन्ट्रक्सनका प्रोजेक्ट म्यानेजर गोविन्द भुसालका अनुसार डोजर परिचालनमा दैनिक पाँच हजार खर्च भैरहेको छ भने सडकमा खाल्डाखुल्डी पुर्ने काम पनि गर्न कठिन भएको छ ।

याे पनि पढ्नुस  उपत्यकामा सडक निर्माण र मर्मत पुनः सञ्चालन हुँदै

भएका स्काभेटर त्यही पहिरो हटाउन प्रयोग हुँदा अन्य काम पनि प्रभावित हुँदै आएको भुसालले बताए। मुख्य राजमार्गबाट जथाभावी रुपमा शाखा सडकहरु निर्माण हुँदा जताततै राजमार्ग ध्वस्त बनाउने काम भएको मध्यपहाडी लोकमार्ग आयोजना कार्यालय पर्वतका प्रमुख आशिष थापा मगरले बताए ।

कमेन्ट गर्नुहोस्