अमेरिकी विदेशमन्त्री पोम्पेओ विभिन्न देशको भ्रमणमा जाँदै

वासिङ्टनः अमेरिकाका विदेश मन्त्री माइक पोम्पेओ एक हप्ता लामो बैदेशिक भ्रमणमा निस्कने भएका छन् । उनले आइतबारदेखि ग्रिस, इटली, क्रोएसियालगायतका देशको भ्रमण गर्ने तय भएको सरकारी अधिकारीहरुले जनाएका छन् ।

भ्रमणका क्रममा उनले सम्बन्धित देशका उच्च अधिकारीहरुसँग भेटवार्ता गर्ने कार्यक्रम रहेको विदेश मन्त्रालयले जनाएको छ । सबै भेटवार्तामा विशेष गरेर सुरक्षाका विषयमा कुराकानी हुने बताइएको छ ।

याे पनि पढ्नुस  अमेरिकामा एकैदिन १९ सयको मृत्यु, साढे ४ लाख नाघे संक्रमित

‘विदेश मन्त्री माइक पोम्पेओले यही सेप्टेम्बर २७ देखि अक्टोबर २ तारिखसम्म ग्रिस, इटली, होली सी र क्रोएसियाको भ्रमण गर्ने तय भएको छ’, मन्त्रालयद्वारा जारी वक्तव्यमा उल्लेख गरिएको छ ।

पोम्पेओले ग्रिसमा प्रधानमन्त्री क्रिकोस मित्सोताकिस र विदेश मन्त्री निकोस डेन्डीयाससँग सुरक्षा मामिलामा छलफल गर्नेछन् । भ्रमण र भेटवार्ताका क्रममा उनले दुई पक्षीय हित, सहकार्य र साझेदारीताका साथै विज्ञान तथा प्रविधि सम्बन्धी सम्झौतामा पनि हस्ताक्षर गर्ने जनाइएको छ ।

याे पनि पढ्नुस  अमेरिकाले दियो भारतलाई कडा धम्की– अरु देशबाट सैन्य सामग्री किने प्रतिबन्ध लगाउन सक्ने

उनले ग्रिसका उर्जा क्षेत्रका व्यवसायी र सरोकारवालाहरुसँग पनि छलफल गर्ने र सहकार्यका संभावनाहरुको खोजी गर्ने विज्ञप्तीमा उल्लेख गरिएको छ । उनले इटालीमा प्रधानमन्त्री जिउसेप कोन्टे र विदेश मन्त्री लुइगी डि माइयोसँग कोरोनाभाइरसको प्रभाव र त्यस क्षेत्रको सुरक्षा चुनौतीका बारेमा कुराकानी गर्ने तय भएको छ ।

याे पनि पढ्नुस  डब्लुएचओबाट औपचारिकरूपमा बाहिरियो अमेरिका

उनको यस पटकको साताव्यापी विदेश भ्रमण अक्टोबर २ तारिखमा क्रोएसियाको भ्रमणसँगै सकिने तालिका रहेको छ । त्यहाँ उनले प्रधानमन्त्री अन्ड्रेज प्लेन्कोभिक, विदेशमन्त्री गोर्डन गलीक र रक्षा मन्त्री मारियो बानोजिकसँग भेटवार्ता गर्नेछन् ।

क्रोएसियामा पनि पोम्पेओले सुरक्षा, व्यापार सहयोगलगायतका विषयमा दुईपक्षीय हित र सहकार्यका लागि छलफल गर्ने जनाइएको छ ।

कमेन्ट गर्नुहोस्