भारतमा साढे ९ लाख बढी सक्रिय कोरोना संक्रमित

नयाँदिल्ली : भारतमा कोरोना भाइरस (कोभिड-१९) बाट कुल सङ्क्रमितमध्ये ९ लाखभन्दा बढी अझै पनि सङ्क्रमित अवस्थामै रहेका छन् ।

सरकारी अधिकारीहरूले शनिबार दिएको जानकारीअनुसार कुल नौ लाख ६० हजार ९६९ जना अहिले पनि सङ्क्रमित अवस्थामै रहेका हुन् । भारतमा पछिल्लो २४ घण्टामा ८५ हजार ३६२ जना कोरोनाबाट सङ्क्रमित भएको केन्द्रीय स्वास्थ्य तथा परिवार कल्याण मन्त्रालयले जनाएको छ । योसँगै भारतमा अहिलेसम्म कूल ५९ लाखभन्दा बढी सङ्क्रमित भएका छन् ।

याे पनि पढ्नुस  भोलिदेखि मालपोत कार्यालय खुल्ने

भारतमा कोरोनाकै कारणले अहिलेसम्म मृत्यु भएकाहरूको सङ्ख्या ९३ हजार ३७९ पुगेको छ । तीमध्ये एक हजार ८९ सङ्क्रमितको पछिल्लो २४ घण्टामा मात्रै मृत्यु भएको हो ।

कोरोनाबाट सङ्क्रमित भएर पनि अहिले सङ्क्रमणमुक्त भइसकेकाको सङ्ख्या भारतमा ४८ लाख ४९ हजार ५ सय ८५ रहेको छ । प्रदेशअनुसार हेर्दा भारतमा सबैभन्दा बढी महाराष्ट्र प्रदेश प्रभावित भएको छ भने त्यसपछि क्रमशः कर्नाटक, अन्द्र प्रदेश, उत्तर प्रदेश र तमिल नाडु अग्रस्थानमा रहेका छन् ।

याे पनि पढ्नुस  नेपालमा संक्रमितको संख्या किन उस्तै छ अंकमा ?

भारतको मेडिकल रिसर्च काउन्सिलका अनुसार भारतमा अहिलेसम्म सात करोड दुई लाख ६९ हजार ९७५ जनाको कोरोना परीक्षण गरिएको छ ।

कमेन्ट गर्नुहोस्