१२ वर्षपछि यती एअरलाइन्सले सिमरा उडान भर्दै

काठमाडौं: निजी लगानीको यती एअरलाइन्सले १२ वर्षपछि सिमरा उडान भर्ने भएको छ । आफ्नो २२ औँ वार्षिक उत्सवमा घोषणा गरेअनुसार यतीले १२ वर्षपछि यहि २१ गते बुधबारदेखि बाराको सिमरा विमानस्थलमा उडान भर्न लागेको हो ।

कोभिड-१९ को सङ्क्रमणको समयमा उच्च सर्तकता अपनाएर सिमरा उडान गर्न लागिएको एअरलाइन्सका प्रमुख सुरक्षा अधिकृत तथा प्रवक्ता सुदर्शन बर्तौलाले बताए।

याे पनि पढ्नुस  फागुनदेखि यती एअरलाइन्स पूर्ण क्षमतामा सञ्चालन हुने

सिमरा उडान भर्ने विषयमा सम्बन्धित निकायसँग स्वीकृत लिइ असोज २१ देखि दैनिक दुई उडानमार्फत सेवा विस्तार गर्नेछौँ, उनले भने, विविध कारणले स्थगित भएको उडान १२ वर्षपछि फेरि सञ्चालन गर्न लागेका छौँ । त्यस गन्तव्यमा अब हाम्रो नियमित उडान हुनेछ र यात्रुको चापअनुसार उडान सङ्ख्या थपिने छ ।

यतीले सिमरामा जेटस्ट्रिम-४१ (Jetstrim-41) विमानमार्फत हरेक दिन बिहान ९ बजे र दिउँसो ४ बजेर ४५ मिनेटमा काठमाडौंंदेखि उडान भर्दैछ । तत्कालका लागि काठमाडौं-सिमरा-काठमाडौंको एकतर्फी भाडा २ हजार ८ सय रुपैयाँ तोकिएको छ ।

याे पनि पढ्नुस  फागुनदेखि यती एअरलाइन्स पूर्ण क्षमतामा सञ्चालन हुने

२०५५ सालदेखि यात्रुलाई सेवा प्रदान गर्दै आएको यती एअरलाइन्समा अहिले एटीआर-७२ सिट क्षमताका पाँच, जेटस्ट्रिम-३० सिटका पाँच र भगिनी संस्था तारा एअरका ट्वीनअटर विमान चार गरी १४ विमान सञ्चालनमा रहेका छन् ।

यती एअरलाइन्सका विमानले अहिले पोखरा, विराटनगर, नेपालगञ्ज, भरतपुर, जनकपुर, भद्रपुर, भैरहवा, तुम्लिङटार, काठमाडौं र पोखराबाट पर्वतीय उडान तथा तारा एअरले हिमाली तथा पहाडी भाग लुक्ला, फाप्लु, जोमसोम, हुम्ला, जुम्ला, रारा, डोल्पा, बाजुरालगायत विमानस्थलमा सेवा प्रदान गर्दै आएको एअरलाइन्सका प्रवक्ता बर्तौलाले जानकारी दिए ।

याे पनि पढ्नुस  फागुनदेखि यती एअरलाइन्स पूर्ण क्षमतामा सञ्चालन हुने

कमेन्ट गर्नुहोस्