सरकारी कम्पनीले नै दशैंका लागि आइतबारदेखि खसी बोका बिक्री गर्ने

काठमाडौं । खाद्य व्यवस्था तथा व्यापार कम्पनी लिमिटेडले आइतबारदेखि काठमाडौं उपत्यकामा खसीबोका भित्र्याउने भएको छ ।

बजार मूल्य हस्तक्षेप गरी उपभोक्तालाई सहुलियत दिनका लागि कम्पनीले विभिन्न जिल्लाबाट खसीबोका खरिद गरेर ल्याउन लागेको हो ।

दशैंमा बजारमा खसीबोकाको खपत धेरै हुने हुँदा बजार मूल्य नियन्त्रण गर्नका लागि ल्याउन लागिएको कम्पनीले जनाएको छ ।

यो वर्ष च्याङ्ग्रा खरिद गर्न नपाइएकाले खसीबोका मात्र ल्याउन लागिएको कम्पनीका नायव महाप्रवन्धक श्रीममणिराज खनालले जानकारी दिनुभयो ।

याे पनि पढ्नुस  आज विजयादशमी, ९ बजेर ५१ मिनेटमा टीकाको उत्तम साइत

च्याङ्ग्रा खरिद गर्न नपाएकाले यो वर्ष बिक्री नगर्ने उहाँको भनाइ छ । यो वर्ष पहिलो चरणमा एक हजार संख्यामा खसीबोका ल्याइने र माग बढ्दै गयो भने थप गर्न सकिने कम्पनीले जानकारी दिएको छ ।

कोराना भाइरसको कारणले गर्दा यो वर्ष अघिल्ला वर्षको तुलनामा खसीबोकाको खपत कम हुने अनुमान गरिएको छ ।

याे पनि पढ्नुस  साधुलाई दसैँ हर्ष न विस्मात

दशैंमा उपत्यकामा खसीबोकाको खपत धेरै हुँदा व्यवसायीले बढी मूल्य निर्धारण गरि उपभोक्ता ठगिने सक्ने भन्दै कम्पनीले बजार मूल्य हस्तक्षेप गर्नका लागि खसीबोका बिक्री गर्न लागेको जनाएको छ ।

कम्पनीले प्रतिकेजी १० रुपैयाँ छुट दिने भएको छ । कम्पनीले गत वर्ष १८ करोड ७८ लाख ५ हजार रुपैयाँ लागतमा एक हजार संख्यामा खसीबोका र ३८ करोड ३२ लाख २१ हजार लागतमा २ हजार संख्यामा च्याङ्ग्रा ल्याएर बिक्री गरेको थियो ।

याे पनि पढ्नुस  आजदेखि नवरात्री शुरु, घटस्थापनाका दिन सर्वार्थसिद्दि योग बन्दै, यस्तो छ शुभ मुहुर्त

व्यवसायीले पनि दसैंलाई लक्षित गरेर उपत्यकामा खसीबोका भित्राउन सुरु गरेका छन् । दशैंमा खसीबोकाको खपत धेरै हुने भएकाले व्यवसायीले विभिन्न जिल्लाबाट खसीबोका ल्याउन थालेका हुन् ।

यो सातादेखि दैनिक ठूलो संख्यामा उपत्यकामा खसीबोका भित्रिरहेको व्यवसायीहरुले बताएका छन् ।

कमेन्ट गर्नुहोस्