सल्यानमा भाईले गरे दाइको हत्या

सल्यान : सल्यानमा आफ्नै भाइले दाइको हत्या गरेका छन् । वनगाड कुपिण्डे नगरपालिका-१० थापाचौरमा दाउरा प्रहार गरी बिहीबार राति भाइले दाइको हत्या गरेको अभियोग लगाइएको छ ।

थापाचौरका २० वर्षीय देवीलाल पुनले आफ्नै दाइ २४ वर्षीय अम्मरको हत्या गरेको बनगाड कुपिण्डे-१० का वडाध्यक्ष मानसिंह पुरीले जानकारी दिए ।

याे पनि पढ्नुस  भर्‍याङबाट धकेलेर आफ्नै भाईको हत्या

मदिरा सेवन गरेका भाइले दाउरा प्रहार गरी हत्या गरेको अभियोग लगाइएको छ । बिहीबार साँझ देवीलालले दाइको हत्या गरेर शव गाउँ नजिकैको जोगेन्द्र भन्ने जङ्गलको ओडारमा फालिएको अवस्थामा स्थानीयवासीले आज फेला पारेपछि प्रहरीलाई खबर गरेका थिए । घरमा दाइ एक्लै भएका बेला हत्या गरी देवीलाल फरार भएको वडाध्यक्ष पुरीले जानकारी दिए ।

याे पनि पढ्नुस  स्वयम्भूमा छुरा प्रहार गरी युवकको हत्या, कलंकीमा रेष्टुरेण्टका कामदारलाई छतबाट खसालियो

जिल्ला प्रहरी कार्यालयका सूचना अधिकारी लक्ष्मण वलीका अनुसार हत्या गरेको जानकारी भएको खबर आएपछि प्रहरी पुगेर अनुसन्धान सुरु गरेको बताए ।

प्रहरी घटनास्थल पुगेर मुचुल्का उठाई शव परीक्षणका लागि सल्यान अस्पताल ल्याउने तयारी भइरहेको प्रहरीको जनाएको छ ।

कमेन्ट गर्नुहोस्