नाष्टले बनायो मास्क र सेनेटाइजर दिने रोबोट

काठमाडौं, कात्तिक ३ । नेपाल विज्ञान तथा प्रविधि प्रज्ञा–प्रतिष्ठान (नास्ट)ले कोरोना संक्रमणको रोकथाममा सहयोग पुर्‍याउने रोबोट निर्माण गरेको छ ।

नास्टले सोमबार एक कार्यक्रम गरी उक्त रोबोट सार्वजनिक गरेको छ ।

‘यान्त्रिका कोरोना कम्प्याक’ नाम दिइएको उक्त रोबोटले कार्यालयमा पस्दा वा निस्कँदा हात जोडेर अभिवादन गर्ने, मास्क लगाएको/नलगाएको छुट्ट्याउने र नलगाएकोलाई मास्क दिने, स्यानिटाइर दिनेलगायतको काम गर्नेछ ।

याे पनि पढ्नुस  कुलमानलाई ‘नाष्ट प्रविधि पुरस्कार’

यो रोबोट कुनैपनि कार्यालयका लागि अन्त्यन्तै उपयुक्त हुने पनि नाष्टले बताएको छ ।

नास्टका इन्जिनियर रोशन पाण्डेकाअनुसार रोबोटले मानिसको शरीरको तापक्रम नाप्ने, स्यानिटाइजर दिने, मास्क नलगाएको खन्डमा मास्क दिने काम गर्नेछ । यो रोबोटलाई नास्टकै प्रवेशद्वारमा राखिने पनि पाण्डेले बताउनुभयो ।

याे पनि पढ्नुस  युवा वैज्ञानिकलाई स्वदेश फर्कन आग्रह

कोरोनाको प्रभावलाई कार्यालयमा पस्दा तथा निस्कँदा प्रभावकारीरुपले नियन्त्रण गर्नसक्ने उद्देश्यले रोबोट निर्माण गरिएको पनि पाण्डेले बताउनुभयो ।

कमेन्ट गर्नुहोस्