भरतपुर : मकवानपुरको राक्सिराङस्थित एक घरको मकै खलियाबाट लाखौं रुपैयाँ नक्कली नोट बरामद गरिएको छ ।
चितवनका प्रहरी प्रमुख एसपी नान्तिराज गुरुङका अनुसार राक्सिराङ गाउँपालिका-८ हलिजेस्थित जितबहादुर लोप्चनले खलियामा लुकाइराखेको १ हजार रुपैयाँका ३०२ थान नक्कली नोट बरामद गरिएको हो ।
राक्सिराङको हालिजे क्षेत्र गाँजा खेती धेरै हुने क्षेत्रमा पर्दछ । यहाँ केही घरमात्र भए पनि यस क्षेत्रमा ठूलो परिमाणमा गाँजाको खेती हुँदै आएको छ । प्रहरीको आशंका गाँजाको कारोबारमा नक्कली नोटको प्रयोग भएको भन्ने छ ।
