रौतहटमा थप एक कोरोना संक्रमितको मृत्यु

गौर : रौतहटमा थप एक जना कोरोना संक्रमितको मृत्यु भएको छ । जिल्लाको चन्द्रपुर-१० बाल्चनपुर की ४३ वर्षीया महिलाको कोरोना संक्रमणबाट उपचारका क्रममा चितवन मेडिकल अस्पतालमा मृत्यु भएको हो ।

नेपाली सेना, इन्द्रबक्स गण पुरेनवा गौरबाट उपसेनानी शिवराज खत्रीको नेतृत्वमा आज चन्द्रपुर-५ चाँदी नदी किनारमा शव व्यवस्थापन गरिएको छ ।

याे पनि पढ्नुस  बालुवाटारमा कोरोनाः सभामुख सापकोटासहित ३० जनाकै रिपोर्ट नेगेटिभ

यससँगै जिल्लामा कारोना संक्रमणबाट मृत्यु हुनेको संख्या १२ पुगेको छ । मिर्गौला रोगी महिलालाई उपचारका लागि यही कात्तिक ६ गते चितवन अस्पताल लगिएकामा स्वाब संकलनपछि बुधबार दिउँसो मृत्यु भएको थियो । पीसीआर रिपोर्ट भने राति मात्र आएको थियो ।

कमेन्ट गर्नुहोस्