बाँकेमा उपचाररत २३ सङ्क्रमितको अवस्था गम्भीर

नेपालगञ्ज : बाँकेमा रहेका दुई कोरोना विशेष आइसोलेसन अस्पतालमा उपचाररत २३ सङ्क्रमितको अवस्था गम्भीर रहेको छ ।

भेरी अस्पताल नेपालगञ्जमा १६ जना र शिक्षण अस्पताल कोहलपुरमा उपचाररत ७ गरी २३ सङ्क्रमितको अवस्था गम्भीर रहेको जिल्ला स्वास्थ्य कार्यालय बाँकेका कोरोना स्रोत व्यक्ति नरेश श्रेष्ठले जानकारी दिए ।

याे पनि पढ्नुस  भरतपुर अस्पतालमा कोरोना सङ्क्रमितको मृत्यु

उनका अनुसार गम्भीर बिरामीमध्ये, एकजनाको भेन्टिलेटरमा र २२ जनाको आईसीयूमा राखेर उपचार भइरहेको छ । भेरी अस्पतालको आइसोलेसनमा ५२ जना र शिक्षण अस्पताल कोहलपुरको आइसोलेसनमा ३४ गरी ८६ जना कोरोना बिरामीको उपचार भइरहेको छ ।

उपचाररत ८६ बिरामीमध्ये, २३ जना गम्भीर, ४१ जना मध्यम र २२ जना सामान्य बिरामी रहेको श्रेष्ठले बताए । बाँकेमा १७७ जना सङ्क्रमित होम आइसोलेसनमा स्वास्थ्य लाभ गरिरहेका छन् ।

याे पनि पढ्नुस  यी हुन् निषेधाज्ञा जारी गरिएका ५२ जिल्ला (सूचीसहित)

बाँकेमा हालसम्म तीन हजार ४० जनामा कोरोना सङ्क्रमण देखिएकोमा ३० जनाको मृत्यु भईसकेको छ भने दुई हजार ७१२ जना उपचार पश्चात निको भएका छन् । जिल्लामा हाल २९८ जना सक्रिय सङ्क्रमित रहेको जिल्ला स्वास्थ्य कार्यालय बाँकेका कोरोना स्रोत व्यक्ति श्रेष्ठले जानकारी दिए ।

याे पनि पढ्नुस  उपत्यकामा ह्वात्तै बढ्याे कोरोना, स्वास्थ्य मन्त्रालयले दियो यस्तो चेतावनी

कमेन्ट गर्नुहोस्