१/२ कर्मचारी संक्रमित हुँदैमा सेवा बन्द नगर्न सरकारी कार्यालयलाई निर्देशन

काठमाडौं : विभिन्न सरकारी कार्यालयहरूमा एक/दुई जना कर्मचारीमा कोरोना संक्रमण देखिनेबित्तिकै सम्पूर्ण सेवा बन्द गर्ने प्रवृत्ति बढेकाले त्यस्तो नगर्न कोभिड-१९ संकट व्यवस्थापन केन्द्र (सीसीएमसी) ले निर्देशन दिएको छ । मंगलबार बसेको सीसीएमसी निर्देशक समितिको बैठकले यस्तो निर्णय गरेको हो ।

संक्रमित व्यक्तिहरूलाई आइसोलेसनमा राखेर सेवा नियमित गर्न निर्देशन दिइएको प्रधानमन्त्री तथा मन्त्रिपरिषद् कार्यालयका सचिव महेन्द्रप्रसाद गुरागाईंले बताए ।

याे पनि पढ्नुस  आज ७०७ जनामा कोरोना संक्रमण पुष्टि

त्यस्तै, आज बैठकमा संक्रमण उच्च रहेका र कम हुँदै गएका स्थानमा के कस्ता सेवा सञ्चालन गर्न सकिन्छ भन्ने विषयमा पनि छलफल भएको छ । पछिल्लो समय काठमाडौं उपत्यकामा संक्रमणको जोखिम बढ्दै गएको भन्दै उपत्यका मेयर फोरमले कडा निषेधाज्ञा गर्न सिफारिस गरेको थियो । यद्यपि सीसीएमसीले तत्काल निषेधाज्ञा गर्ने विषयमा भने कुनै निर्णय गरेको छैन् ।

याे पनि पढ्नुस  कुन जिल्लामा कति कोरोना संक्रमित थपिए आज? (सूचीसहित)

IPS connect
संक्रमणको उच्च रहेको सीमित स्थानलाई सिल गरी सेवा सञ्चालनका सम्बन्धमा केही निर्णय गर्न सकिने गरी छलफल भएको सचिव गुरागाईंले बताए । उपत्यकामा रहेको एकीकृत एम्बुलेन्स सेवाको पर्किङ समस्या रहेकाले विभिन्न स्थानीय तहमा पार्किङका लागि व्यवस्थापन गर्ने निर्णय भएको छ ।

याे पनि पढ्नुस  झापाको एकै गाउँपालिकामा २५ जनामा कोरोना संक्रमण

कमेन्ट गर्नुहोस्