पुलिस बारकेड तोड्दै, अश्रुग्याँस र लट्ठीको प्रतिरोध गर्दै दिल्लीतर्फ बढ्यो किसान मार्च, दिल्ली पुगेरै छोड्ने उदघोष

नयाँ दिल्ली । सरकारद्वारा जारी किसान ऐनका विरुद्ध दिल्लीमा प्रदर्शन गर्न हजारौं किसानहरु हरियाणाको सीमामा आइपुगेका छन् ।

किसानहरुलाई दिल्ली प्रवेश गर्न नदिन हरियाणाका कैयन स्थानमा सुरक्षाकर्मीले रोक्न खोजेपनि किसानहरुले त्यसको पर्वाह नगरी अघि बढेका छन् ।

“पुलिसको बारकेड होस् कि गोली, हामी दिल्ली पुगेरै छोडने अठोटका साथ अघि बढेका छौं ।” एक किसान भन्छन्, “हामी ६ महिनाको राशन बोकेर परिवारसँगै हिँडेका छौं । जहाँ प्रहरीले रोक्छ, त्यहीँ धर्ना दिन्छौं र फेरि अघि बढछौं ।”

याे पनि पढ्नुस  कृषि कानुनको विरोधमा आज भारत बन्द, के छ त कानुनमा, किन हुँदैछ विरोध (विस्तृत)

उनीहरु बिभिन्न नाकाबाट दिल्ली आइरहेका छन् ।

अमरउजाला दैनिकका अनुसार, पानीपतदेखि दिल्लीतर्फ बढिरहेका किसानहरुले आज बिहान खाना खाएर अघि बढेका छन् ।

दिल्लीको गुरुग्राम सीमामा बाहनहरुको सघन चेकिङका कारण लामो जाम लागेको छ ।
किसानहरुको आन्दोलन रोक्न केन्द्रीय औद्यौगिक बल समेत तैनाथ गरिएको छ । प्रहरीले हरेक बाहनको चेकजाँच गरिरहेको छ ।

यसैगरी रोहटक झज्जर सीमा पनि किसानहरु जमा भएर दिल्लीतर्फ अघि बढिरहेका छन् ।

याे पनि पढ्नुस  भारतमा झनै चर्कियो किसान आन्दोलन, क्यानाडाका प्रधानमन्त्रीकाे समर्थनपछि उच्चायुक्त निष्काशित

सिन्धु सीमामा ठूलो मात्रामा सुरक्षाकर्मी तैनाथ गरिएका छन् । इस्टर्न पेरिफेरल एक्सप्रेस वे र वेष्टर्न एक्सप्रेस वे बाट गाडीहरुलाई सिन्धु सीमा नजिक आउन रोकिएको छ । त्यहाँ आज पनि किसानहरुमाथि सुरक्षाकर्मीहरुले अश्रुग्याँस प्रहार गरेका छन् ।

हिजो साँझ दिल्लीदेखि १ सय किमी टाढा पानीपत टोल प्लाजासम्म किसानहरु आइपुगेका थिए । भारतीय किसान यूनियन हरियाणाका नेता गुरनाम सिंहका अनुसार उनीहरु राती त्यही बसेर बिहानै खानापछि दिल्ली गइरहेका हुन । यसअघि हिजो कुरुक्षेत्र, सिरसा, फतेहाबाद र जिन्द जिल्लामा ठूलो झडप भएको थियो ।
किसानहरुले भने कुनै पनि मूल्यमा कानुन खारेजीको माग गरेका छन् । यसअघि विधेयककै रुपमा सदनमा प्रस्तुत गर्दा अकाली दलले सरकारबाट समर्थन फिर्ता लिएको थियो भने उक्त दलका मन्त्रीले राजिनामा दिएका थिए ।

याे पनि पढ्नुस  कृषि विधेयकको बिरोध गर्दै पञ्जाबमा एक किसानद्वारा आत्महत्या

अहिले ल्याइएको किसान ऐन (४ वटा) किसानको अधिकारविरुद्ध कृषि क्षेत्रलाई कर्पोरेटहरुको चंगुलमा पार्ने षडयन्त्र भन्दै पञ्जाब हरियाणालगायतका किसानहरुले बिरोध गर्दै आएका छन् ।

कमेन्ट गर्नुहोस्