सकियो नेकपा सचिवालय बैठक, के–के भयो ?

काठमाडौंः नेपाल कम्युनिष्ट पार्टी (नेकपा) को सचिवालय बैठक सकिएको छ ।

शनिबार दिउँसो सवा १ बजेदेखि प्रधानमन्त्रीको सरकारी निवास बालुवाटारमा शुरू भएको बैठक केहीबेरअघि सकिएको हो ।

आजको बैठकमा नेकपा अध्यक्ष तथा प्रधानमन्त्री केपी शर्मा ओलीले राजनीतिक प्रस्ताव पेस गरेको प्रवक्ता नारायणकाजी श्रेष्ठले जानकारी दिए । प्रस्ताव सबै सचिवालयका सदस्यलाई बाँडिएको उनले जानकारी दिए ।

याे पनि पढ्नुस  नेकपा सचिवालय बैठक शुरू, ओली पनि सहभागि

बैठकमा ओली, कार्यकारी अध्यक्ष प्रचण्ड, माधव कुमार नेपाल र वामदेव गौतम बोलेका थिए । सबैले पार्टी एकतामा जोड दिएका थिए ।

अर्को बैठक अब मंसिर १६ गते दिउँसो १ बजे पार्टी कार्यालय धुम्बाराहीमा बस्नेछ । बैठकमा ओली र प्रचण्डले पेस गरेका प्रस्तावबारे छलफल गरिने श्रेष्ठले जानकारी दिए ।

गत कात्तिक २८ गते बसेको सचिवालय बैठकमा प्रचण्डले सचिवालयका अन्य ४ जना सदस्य माधव नेपाल, झलनाथ खनाल, वामदेव गौतम र नारायणकाजी श्रेष्ठ ‘प्रकाश’को सहमतिमा छुट्टै राजनीतिक प्रस्ताव प्रतिवेदन पेस गरेका थिए । त्यसपछि मंसिर ३ गते बसेको बैठकमा ओलीले प्रचण्डको जवाफी प्रतिवेदनका पेस गर्ने भन्दै १० दिनको समय माग गरेका थिए । त्यसपछि आज बैठक बसेको थियो ।

याे पनि पढ्नुस  उपलब्धि गुम्न नदिन एकताबद्ध भएर आन्दोलनमा लाग्न प्रचण्डको आग्रह

यसअघिको बैठकले १८ गते स्थायी कमिटी र २५ गते केन्द्रीय कमिटी बैठक बेलाउने निर्णय गरिसकेको छ ।

१५ बुँदामा पढ्नुस् प्रचण्डको राजनीतिक प्रस्ताव

आज ओलीले ‘जवाफी प्रस्ताव’ पेश गर्ने, दृष्टिकोणमैं भिन्नता, सहमति जुटने सम्भावना न्यून

प्रचण्डले एक वर्ष अघि नै भनेका थिएः मलाई हेगको धम्की नदिए हुन्छ (भिडियो)

कमेन्ट गर्नुहोस्