काठमाडौंमा आज बढी चिसो महशुस

काठमाडौं: काठमाडौंमा आज यो वर्षकै बढी चिसो गरिएको छ। जल तथा मौसम विज्ञान विभागका अनुसार आज काठमाडौंको तापक्रम यो वर्षकै कम मापन गरिएको हो।

विभागका अनुसार आज काठमाडौंको न्यूनतम तापक्रम ४.५ डिग्री सेल्सियसमा झरेको हो। यसअघि शुक्रबार ८.५ डिग्री सेल्सियस मापन गरिएको थियो।

याे पनि पढ्नुस  आगामी तीन दिन देशभर वर्षा हुने

केही दिनयता पश्चिमी वायुको प्रभावले बदली रहेको मौसम रातिदेखि सफा भएसँगै तापक्रम घटेको मौसमविद् वरुण पौडेलले बताए। ‘राति मौसम सफा भए बिहानको तापक्रम घट्छ, राति बादल लागे बिहानको तापक्रम बढ्छ’, मौसमविद् पौडेलले भने।

तापक्रम घटेसँगै बढी चिसो महशुस गरिएको छ। अबको केही दिन देशभरको मौसम सफा भई घाम लाग्ने बताइएको छ।

याे पनि पढ्नुस  यस्तो छ आगामी तीन दिनको मौसम पूर्वानुमान

मौसम पूर्वानुमान महाशाखाको पछिल्लो विवरणअनुसार आज काठमाडौं उपत्यकाको न्यूनतम तापक्रम ४.५ डिग्री र अधिकतम तापक्रम १८.५ डिग्री सेल्सियस रहेको छ।

आज सबभन्दा कम जुम्लाको न्यूनतम तापक्रम माइनस २.५ डिग्री र सबभन्दा धेरै विराटनगरको न्यूनतम तापक्रम १२ दशमलव शून्य डिग्री सेल्सियस रहेको छ।

याे पनि पढ्नुस  आगामी मनसुनः कहाँ कति वर्षा हुन्छ ?

कमेन्ट गर्नुहोस्